کمبریج آنالیتیکا سیاسی مصلحت شرکتی آرقهلی فیسبوک ایشلاوچیلرینینگ معلوماتیدن سوءاستعمال قیلینگن موضوعی آچیقلنگنیدن سونگ، بیر هفته جریانیده فیسبوک اوز سهمیدن تورت دن بیرینی قولدن بیرگن. اوشبو شرکتنینگ سهمی بیر آی آلدین، 190 میلیارد دالر ایدی و بوگون 159 میلیارد دالرگه ییتیشگن.
گرچند فیسبوک ترماغینینگ اجراییه مدیری و اساسچیسی مارک زاکربرگ، یوز بیرگن موضوع توغریسیده رسمی شکلده عذر سورهدی و آنالیتیکا شرکتی بیلن بولگن همکارلیگینی توختهتدی، بیراق شوندهی بیرحالتده سرمایه یاتقزووچیلردن کوپینچهسی فیسبوک ده بولگن سهمیهسینی ساتیش گه قرار قیلگن.
امریکالیک تانیقلی کمدین جیم کری، اوز تویتتر صحیفهسیده، سهمیهسینی ساتیشیدن خبر بیریب و فیسبوک صحیفهسی یاپیلیشینی بیلدیرگن؛ چونکه امریکا سیلاویده روسیه ارهلشیدن فیسبوک منفعت قولگه کیریتگن. او، باشقه سرمایه یاتقزووچیلردن هم فیسبوک ده بولگن سهمیهلرینی ساتیشلرینی سورهدی.
