غور ولایتیده سیلاولر کمیسیونی ایشلاوچیلریدن 3 کیشی و 2 پولیس عسکر طالب‌لر تامانیدن اوغیرلنگن.
مذکور ولایت پولیس قومندانلیگی سوزلاوچیسی محمداقبال نظامی‌نینگ ایتیشیچه، اوشبو واقعه بوگون توشدن سونگ، غور ولایتی‌نینگ مرکزی فیروزکوه شهری‌نینگ الله‌شهر منطقه‌سیده یوز بیرگن.
جناب نظامی‌نینگ ایتیشیچه، سیلاولر کمیسیونی ایشلاوچیلری و پولیس عسکرلری طالب‌لر تامانیدن اوغیرلنگن و بو کیشی‌لر طالب‌لرنینگ نظارتی‌ده بولگن منطقه گه انتقال بیریلگن.
غور پولیس قومندانلیگی سوزلاوچیسی‌نینگ ایتیشیچه، اوشبو کیشی‌لرنی قوییب یوباریش توغریسیده سعی و حرکت دوام ایتماقده.
شونینگ‌دیک، غور ولایتیده سیلاولر ایرکین کمیسیونی باشلیغی فضل‌الله جلالی، بو واقعه‌نی تصدیق‌لگن، بیراق آرتیقچه معلومات بیرمه‌گن.
قوراللی طالب‌لر حاضرگچه بوتوغریده هیچ نرسه دیمه‌گن.
