.jpg)
بوگون «شنبه» نماینده لر کینگشی و تومن لر کینگشی سیلاولری اوچون آواز بیرووچیلرنی رویخط‌گه آلیش لایحه رسمی شکلده جمهور رییس غنی، مملکت بیرینچی خانمی رولا غنی و حکومت اجراییه باشلیغی عبدالله عبدالله تامانیدن باشلندی. اوشبو مراسم‌ده جمهور رییس غنی، مملکت یشاوچیلریدن بو لایحه‌نی جدی آلیب و اوزلرینی «تنلش و تنله‌نیش» اوچون تیار قیلیش‌لرینی سوره‌دی.
جناب غنی‌نینگ ایتیشیچه، سیلاولرده ساخته‌کارلیک قبول بولمه‌یدی و یوز بیرگن صورتده، خبر بیریلیشی کیره‌ک. او، یشاوچیلرنینگ برابریده سیلاولر کمیسیونی‌نینگ جواب بیرووچی بیلیب و اورغولشیچه، اداری و امنیتی بولیم‌لرده نامزدلرنینگ اره‌لشووی تَن آلینمه‌یدی.
جمهور رییس غنی‌نینگ کوپه‌یتیریشیچه، جمهورلیک ریاستی سیلاولری اوچون تیارگرلیک‌لر آلینیشی سیلاولر کمیسیونی‌نینگ مسؤولیتی دیر و بو لایحه جدی شکلده هر تامانلمه نظارت قیلینیشی کیره‌ک. جناب غنی، سوزلرینی باشقه بیر بولیمی‌ده طالبان گروهی گه اشاره قیلیب و بو گروه دن کیله‌جک سیلاوده اشتراک قیلیش‌لرینی سوره‌گن.
.jpg)
بیراق، حکومت اجراییه باشلیغی عبدالله عبدالله، آواز بیرووچی مرکزلرنینگ خوفسیزلیگی تأمین‌لنیشی اوستیگه تأکیدلب ایتیشیچه، خوفسیزلیگی تأمین‌لنیشی امکان سیز بولگن منطقه‌لر توغریسیده حکومت باشقه چاره تدبیر کوریب و یشاوچیلر آواز بیریش‌دن محروم قالمس‌لری کیره‌ک.
باشقه تاماندن، بوگون آواز بیرووچیلرنی رویخط‌گه آلیش لایحه باشلنگنی نماینده‌لر کینگشی تامانیدن خوش قرشی‌لنگن؛ لیکن نماینده‌لر کینگشی اعضالری‌نینگ ایتیشیچه، مملکت‌نینگ اوزاق منطقه‌لریده یشاوچیلردن کمیده 40% کیم‌لیگی یوق دیر و حکومت بو لایحه‌نی باشلش یانیده، دستلب آواز بیریش شرایطی گه ماس کیشی‌لرگه کیم‌لیک ترقه‌تیشی کیره‌ک.
بوگون «شنبه» افغانستان‌نینگ برچه ولایت‌لریده آواز بیرووچیلرنی رویخط‌گه آلیش لایحه رسمی شکلده باشلندی و عین حالده، بلخ ولایتیده بولگن 314 آواز بیریش مرکزدن 13 ته‌سی، قندوز ده بولگن 55 مرکزدن 20 ته‌سی و سرپل‌ده بولگن 38 مرکزدن 20 ته‌سی جدی امنیتی تهدید آستیده بولگن.
