اوتگن کون نمایندهلر کینگشی مملکتده یوز بیرگن سونگی حادثهلر و آوازبیروچیلرنی رویخطگه آلیش مرکزلر تقدیری حقیده، مدافعه و ایچکی ایشلر وزیرلیگی مسوولری، ملی خوفسیزلیک و جمعیتنی رویخطگه آلیش ادارهلرنینگ باشلیغلرینی کینگشگه چقیردیلر.
ایچکی ایشلر وزیری ویساحمد برمک، آوازبیروچیلرنی رویخطگه آلیش مرکزلری امنیتی تامینلنیشی حقیده سوزلب و برچیده آوازبیروچیلرنی رویخطگه آلیش بیرمرکزیده هجوم ایلتهدیگن ایکی کیشینی، اوشلب آلینگنیدن خبربیرگن.
عین حالده، ایچکی ایشلر وزیرینینگ ایتیشیچه، تروچیلر شیشهسی قاره موترلر آرقلی باشکینتده انتقال بیریلهدیلر. بیراق کینگش نمایندهلرینی کوپینچه تاکیدیبیلن، خاص کیشیلردن آت توتمهگن.
ملی خوفسیزلیک باشلیغی معصوم استانکزی، آوازبیروچیلرنی رویخطگه آلیش مرکزلرینی امنیت حقیده سوزلب و بو توغریده محل بویوکلری، امنیتی کوچلرگه یاردم بیریشلرینی سورهدی.
مدافعه وزیری طارقشاه بهرامینینگ ایتیشیچه، طالبان تامانیدن اویشتیریلگن خندق عملیاتی ناکام بولیب و اولرگه آغیر تلفات ییتیشگن.
