مملکت جمهور رییسی محمد اشرف غنی «تروریسم توغریسیدهگی تروریسم معمالری» عنوانی آستیده اوتکزیلگن علمی و تحقیقی سمینارده، هر بیر مملکت نینگ سیاحلیک و گیزیش منطقهلری ملتلرنینگ مناسبتلرینی یخشیلشتیریش اوچون اساسی منبع حسابلنهدی دیگن.
بوگون پایخت کابلده اوتکزیلگن ییغینده نطق سوزلهگن جمهور رییس غنی، مملکتده تروریسم تهدیدلری کوتاریلگن حالده، افغانستان ییلده 2 دن 5 میلیون انسانگه سیاحلیک ساحهسیده میزبانلیک قیلهدی دیگن.
جناب غنی، افغانستانده تروریسم بولیمیده مبارزه بولیب سیاحلیک صنعتی رواجلنگن حالده، مملکتده چیت ایللیک سیاحلرنینگ سانی آشیشی ممکن دیدی.
افغانستان جمهور رییسی بوگونکی ییغینده، کابلنی یخشی تانیش اوچون دنیاده تکرار بولمهگن منگو اثر «بابرنامه»نی اوقیشنی توصیه قیلگن. شونینگدیک او، شمالی ولایتلر آسیا بیلن اروپانی تجاری ترانزیت یولی دیب، آی خانیمنی یونانیلر مرکزی دیگن.
ایلکبار چهلستون آیخانمده قوریلگن دیدی جمهور رییس غنی.
افغانستان اخبارات و مدنیت وزیرلیگینینگ سرپرستی محمدرسول باوری، مملکتده سیاحلیک بولیمیده موجود قیین چیلیکلرگه قرهمهی، لیکن بعضی بیر ایشلر بولگنلیگینی اظهار قیلگن.
افغانستان جفرافیهوی نطقه نظردن امنیتی تامین بولگن حالده و تروریسم تهدیدلری کوتاریلگن تقیدیرده، گیزیش صنعتی کوزگه کورینرلی درجهده رواجلهنیشی ممکن.
