بوگون «دوشنبه» جمهورلیک ریاست سیلاوی نامزدلریدن بیری عبدالله عبدالله، کابلده خبری بیر ییغین اوتکزیب ایتیشیچه، گرچند سیلاولر نتیجهسی سیلاولر کمیسیون تامانیدن اعلام ایتیلهدی، بیراق قولگه کیلگن معلوماتلر اساسیده «او یوقاری آواز قولگه کیلتیرگن و سیلاولرده غلبه قازانگن.»
جناب عبدالله سیلاوی کمیسیونلردن، سیلاو کونیده یوزبیرگن ساختهکارلیکلرنی جدی شکلده تیکشیریشلرینی سورهگن.
عبدالله عبدالله نینگ ایتیشیچه، سیلاو 2- دور ده کیتمهیدی و یقیینلیک و برقرارلیک تیمی جمهورلیک ریاست سیلاویده غلبه قازانگن.
جناب عبدالله سیلاوی کمیسیونلرگه خطاب ایتیشیچه، سیلاولر کمیسیونی نینگ سابق قراری اساسیده، بایومتریک قیلینمهگن آوازلر سنلمهسی کیرهک.
او شونینگدیک افغانستان مرکزی احصائیۀدن ناقانونی کیشیلرنینگ اَرهلشووینی آلدینی آلیشینی سورهگن.
جناب عبدالله گه کوره، سیلاولرده قطار حکومت رسمیلری اَرهلشگن کیم اولربیلن جدی توقنهشیش کیرهک.
بیراق سیلاولر ایرکین کمیسیونی مسئوللری نینگ ایتیشیچه، قانون اساسیده سیلاوی کمیسیونلر تامانیدن نتیجه اعلام ایتیلمسدن آلدین هیچ بیر نامزد اوزینی غالب اعلام قیلیش گه حقلی ایمس دیر.
جمهورلیک ریاست سیلاوی 6- میزان مملکت بویلب یولگه قوییلدی. سیلاولرنینگ اوشبو دوریده ساختهکارلیکلر یوزبیرگن، بیراق مسئوللرنینگ ایتیشیچه، 6- میزان سیلاوی نینگ تنیقلیگی اوتگن 18 ییل گه مثالی کوریلمهگن.
شو توغریده:
