کابلده امریکهنینگ ایلچیسی، اخیرگی کونلرده قندوز ولایتیده یوز بیرگن حادثه نی بیللی قیلیشیچه دنیا جماعهچیلیگی اوز یاردملرینی افغانستان اوچون ایکی برابرگه آشیریشی کیرهک دیگن.
امریکه نینگ افغانستاندهگی ایلچیسی مایکل مککینلی بوگون (چهارشنبه) کابلده افغانستانلیک یاش دیپلوماتلر بیلن اوتکزگن خبری ییغینده ایتیشیچه، قندوز واقعهسی قیینچیلیک توغدیرگن. اما 13 ییلدن بیری افغانستان رواجلهنیشی اوچون آلیب باریلگن سعی وحرکتلرنی هنوز هم جریانی بار و بو جریان ایسه دوام ایتهدی.
امیدوارلیک بیلدیرگن مایکل مککیلیگه کوره، افغانستان برچه ساحهلرده رواجلهنیش اوچون امکانیتگه ایگه بو امکانیتدن ایسه فایدهلهنیش لازم.
کابلده امریکهنینگ ایلچیسی افغانستان حکومتی تورلی بولیملرده جدی معمالر بیلن دوچار بولگن بیر چاغده بو مملکتگه کورسه تیلهدیگن یاردملری کوپیتیریلیشی بارهسیده تاکیدلهگن.
امریکه ایلچیسی قندوز ولایتی قوراللی طالبلر تصرفیگه اوتگندن کیین افغانستان خلقینی یالغوز قالدیرمسلیگی بارهسیده تاکیدلب هر آنده بو مملکت یانیده بولیشینی تیلگه آلگن.
عین حالده بعضی بیر گزارشلرده امریکه، بریتانیا و آلمان حربی کوچلری افغانستان ملی کوچلریگه همکارلیک قیلیش اوچون قندوز ولایتیگه سفر قیلگنلر.
مایکل مککینلینینگ افغانستانلیک دیپلوماتلرگه ایتیشیچه، دنیا نینگ رواجلنگن مملکتلری تجربهلریدن فایدهلهنیب منطقهلری اینیقسه مرکزی آسیا دولتلری بیلن یخشی علاقه قوریش کیرهک.
امریکه و چین دولتلری افغانستانلیک 60 دیپلوماتنی رواجلنگن مملکتلر دیپلوماتیک روشلریدن فایدهلهنیش اوچون دنیا معیاری سیاستلرینی اورگهنیش اوچون واشنگتن و پکنده تربیه کوره دیلر.
