طالبان قیش فصللریده اوروشلرینی آزیتریب و ایسیق موسم باشلنیشی بیلن اوروش لرینی کوچلنترهدیلر. حربی بیلرمانلرگه کوره، دشتلرنی کوکلم بولیب درختلر برگلری بیلن قاپلنگنلری طالبان گروهی گه یاشیرین امکانیتینی بیرهدی. انه شو سبب بهار موسمی کیلیشی بیلن هجوم لرینی کوچلنتره دیلر.بیراق کورینیشچه، ینگی ییلده اوشبوعمل امریکه کوچلری و افغانستان حکومتی تامانیدن عمل گه آشیریلهدی.
آتی سیر قالیشینی ایستهگن ملی بیرلیک حکومتی منبعلریدن بیرنینگ سلام وطندار گه ایتیشیچه، کیلهسی آیده امریکه قوشمه شتتلر و افغانستان حکومتی طالبان قرشیسیده آغیر اوروشنی باشلشلری ممکن.
منبعگه کوره، قوشمه ششتلر مدرن حربی جهازلرنی عراق و سوریه مملکتلریدن افغانستانگه انتقال بیرگن و طالباننی نابود ایتیش یولیدن، اولرنینگ افغانستان حکومتی بیلن سوزلشگه حاضر قیلیشی ممکن.
بیراق حربی ایش بیلرمان عتیق الله امرخیل نینگ ایتیشیچه، حکومت هردایم طالباننی اورته دن ایلتیش اوچون، جدی اراده کورستگن بیراق عمل ده هیچ بیر ایش بجرمهگن.
امرخیل جنابلریگه کوره، امریکه افغانستانده تینچلیک تامین ایتیش نیتیده بولسه طالباننی اصلی یاردمچیسی پاکستاننی اوستیگه باسیملرینی کوپیتریشی کیرهک.
حربی ایش بیلرمانلردن باشقه بیریسی زلمی وردک، افغانستان حکومتینی طالبان قرشیسیده قیلهدیگن ایشلرینی شبههلی دیب ایتیشیچه، افغانستان حکومتی بیر تاماندن طالبان گروهی بیلن صحبت قیلیشنی طلب قیلهدی ینه بیر تاماندن اوشبو گروه نی نابود ایتیشنی ایستهیدی.
وردک جنابلری، امریکه و افغانستان حکومتینی طالبان قرشیسیده حربی عملیاتلرینی کوپهیتیریشینی یخشی نتیجهسی یوق دیدی.
کابل پروسهسینینگ ایکینچی دوریده افغانستان حکومتی، طالبان گروهیگه مکافات بسته سینی تکلیف قیلیب و حکومتنی طالبان گروهی بیلن سوزلشگه حاضر دیب ایتدی.
افغانستاننی طالبان گروهیگه تینچیلیک اوچون بیرگن تکلیفیدن 11 کون اوتماقده، بیراق طالبان، امنیتی کوچلرنی قرشیسده هجوملرینی کوپیتریب، افغانستان حکومتی بیلن صحبت قیلیشده علاقهلری یوقلیگینی معلوم قیلهدیلر.
متخصصلرگه کوره، طالبان گروهی امنیتی کوچلر و امریکه نی باسیم لرینی کوپهیشی سبب اوروش یوروقلرینی اوزگریشی ممکن و جبهه هجوملری اورنیده، ترورچیلیک هجوم لرینی شهرلرده کوپیتره دیلر.
