سلاموطندارگه صحبت بیرگن خوست ولایتینینگ یشاوچیلری و مدنی فعاللریدن بیرقطارینینگ ایتیشیچه، مذکور ولایتنینگ دولتی باشلیغلری و مأمورلریدن بیرقطاری اداره گه کیلمهیدیلر و ایش زمانیده نمایندهلر کینگشی و تومنلر کینگشی سیلاولرینینگ نامزدلریگه کمپاین قیلهدیلر. اوشبو یشاوچیلرگه کوره، کمپاین قیلهدیگن کیشیلردن کوپینچهسی نمایندهلر کینگشی اعضالری تامانیدن ایش گه تعیین ایتیلگنلر.
خوست یشاوچیلریدن ایکی کیشی حبیبالله و سردار ولینینگ ایتیشیچه، اوشبو ولایت یشاوچیلریدن کوپینچهسینینگ اقتصادی وضعیتی یخشی ایمس دیر و اوزاق ییرلردن قیینچیلیکلری حل قیلیش اوچون مسؤول ادالرگه کیلهدیلر و اداره مسؤوللری یوقلیگی باعث، قیینچیلیککه دوچار بولهدیلر.
بیراق، سلاموطندارگه صحبت بیرگن خوست حاکمی سوزلاوچیسی طالب منگلنینگ ایتیشیچه، حاضرگچه بو موضوع دقیق معلومات اولرگه بیریلمهگن و بو یشاوچیلرنینگ ادعالری حقیقت بولگن صورتده، ایشدن باش تارتگن کیشیلر عدلی و قضایی ادارهلریگه تانیشتیریلهدی.
بیان ایتیلگن ادعالرنی تصدیقلگن خوست ولایتینینگ یشاوچیلری و مدنی فعاللرینینگ ایتیشیچه، دولت ایشلاوچیلری ایش زمانیدن آلدین، ناقانونی شکلده نامزدلر اوچون کمپاین قیلمسلری و باشقه نارسمی ایشلر بیلن شغللنمسلری کیرهک.
