ناتونینگ یوقاری مرتبهلی رسمیلری، بو تشکیلات اوزینینگ ییللیک ییغینیده افغانستان حکومتیگه اوزاق مدتگچه همکارلیک قیلیشی اوستیده کیلیشگنلر دیگن.
کابلده ناتونینگ نا حربی نمایندهسی اسماعیل آرامزنینگ ایتیشچیه، تانو تشکیلاتینینگ افغان ملی کوچلرینی حربی ساحهده تربیهلیش و کومکلریگه دوام ایتیریش جریانی 2016 دن کیین هم دوام ایتهدی.
او، بوگون (شنبه) کابل ده اوتکزیلگن بیر خبری ییغینده، ناتو گه اعضا مملکتلر وارسا ییغینیده 2020- ییلگچه افغانسان حکومتینی تورلی ساحهلرده همکارلیک قیلیشلری اوچون وعده بیریشلری کوتیلهدی دیگن.
اما، ناتونینگ ناحربی نمایندهسی افغانستانگه کورسه تیلهجک یاردملر ایکّی تامانلمهدیب، بو تشیلات افغانستان حکومتیدن سیاسی ثبات، فسادگه قرشی کورهشیش، سیلاولر تیزیمیگه اصلاحات کیریتیش و انسان حق وحقوقلرینی تامین قیلیش نی سوره دی دیگن.
جناب آرامز، ملی اردو و ملی پولیس صفلریده خاتین قیزلر سانی آشیریلیشی و بلاغتگه ییتمهگن کودکلرنینگ حقوقی رعایت ایتلیشی ناتونینگ باشقه ایستکلریدن دیگن.
اونینگ سوزلریگه قرهگنده، افغانستان ملی کوچلری سیاسی بازارلردن سقلهنیشی اوچون وعده بیریشی کیرهک.
ناتونینگ مذکور نا حربی نمایندهسی افغاسنتان حکومتینینگ تینچلیک مذاکرهسینی حمایت قیلیب بو ایش افغانستان حکومتینینگ منفعتیگه دیگن.
عین حالده، ناتونینگ اوشبو نا حربی نمایندهسی پاکستان ترورچیلیککه قرشی کورهشیش همده حقانی ترور ترماغینی مملکتی توپراغیده نابود قیلیشگه تدبیر آلیشی ضرور دیگن.
او، افغانستان بوندن 40 ییل آلدین 400 حربی اوچاق بیلن منطقهده ییریک کوچهگه ایگه ملی ارودگه صاحب بولگن دیدی.
