شنبه‌دن یکشنبه گه اوتر کیچه ساعت 9 اطرافیده کابل‌ده انتر کانتیننتال هوتلی‌گه 4 قوراللی هجومچی هجوم قیلگن‌لر و بو هجوم نتیجه‌سیده فراه ولایتی‌نینگ مخابرات ریاستی باشلیغی شامل 5 کیشی هلاک و باشقه 6 کیشی یره‌لنگن.
ایچکی ایشلر وزیرلیگی سوزلاوچیسی نجیب دانش‌نینگ ایتیشیچه، انترکانتیننتال هوتلی‌ده یولگه قوییلگن تازه‌لش عملیات‌ده امنیتی کوچلر 4 خودکش هجومچی‌نی آیاق دن ییقیتگن و 8 عیال و 41 چیت ایللیک شامل 153 کیشی‌نینگ جانی‌نی قوتقرگن.
جناب دانش گه کوره، هلاک ایتیلگن‌لرنینگ بیری چیت ایللیک فقرا بولگن و یره‌لنگن‌لردن 3 ته‌سی حربی و باشقه 3 ته‌سی تینچ اهالی دیر.
جمهورلیک ریاستی تامانیدن ترقه‌تیلگن خبرنامه‌ده انترکانتیننتال هوتلی‌گه اویوشتیریلگن هجوم قتیق قاره‌لنیب و امنیتی اداره‌لردن واقعه جدی شکلده تیکشیریلیشی سوره‌لگن.
مذکور هوتل‌نینگ ایریم قسمت‌لریدن حاضرگچه دود و اوت چیقه‌دی.
اوشبو واقعه‌دن قوتیلگن انترکانتیننتال هوتلی مدیری احمد حارث نایاب نینگ ایتیشیچه، هجومچیلر آش‌خانه یولیدن بِناگه کیرگن‌لر.
اویوشتیریلگن هجوم مسؤولیتی‌نی طالب‌لر بوینیگه آلگن.
