.jpg)
ترکمنستاندن فاریاب و هرات ولایتلریگه کیلهدیگن برق لینی کیسیلدی.
بوگون «دوشنبه» خبری بیر ییغینده نطق سوزلهگن هرات برشنا شرکتی ریاستی باشلیغی وحید کامراننینگ ایتیشیچه، اوتگن کیچه ساعت 11:30 ده ترکمنستاندن مملکتگه کیلهدیگن برق شرطنامهسینینگ زمانی یکونلنگن و شرطنامه قیته امضاءلنمهگنی سبب، ترکمنستان برقینی کیسگن.
هرات ولایتیده برشنا ریاستی باشلیغیگه کوره، ترکمنستان ینگی شرطنامه امضاءلنگنده هر بیر کیلووات برق ده ایلگریدن کوره 2 سنت امریکا دالری کوپهیتیرهدی، سابق بیر کیلووات 2 سنگ امریکا دالری ایدی و حاضر 4 سنت تعیین قیلینگن و بو رقم یوزده یوز برق میزانی آشگنینی کورستهدی.
جناب کامران گه کوره، بیر آیدن بویان افغانستان حکومتی تامانیدن ترکمنستان گه یوباریلگن هیأت برق بهاسی کمهیتیریلیشی اوستیگه بحث قیلهدی، بیراق حاضرگچه برق شرطنامهسی قیته امضاءلنمهگن.
هرات برشنا باشلیغی گه کوره، اوشبو ولایت و فاریاب ولایتینینگ ایریم بولیملری ترکمنستاندن کیلهدیگن برق دن ایش آلردی.
.jpg)
بیراق، سلام وطندارگه صحبت بیرگن نمایندهلر کینگشی اعضاسی ناهید فریدنینگ ایتیشیچه، شرطنامهلر اساسیده، ترکمنستان مملکتی 3 ییل آلدین برق بهاسینی 4 سنت امریکا دالری گه کوپهیتیرگن ایدی و شونینگدیک، اونی پولی هرات برشنا ریاستی آرقهلی اهالیدن آلینهدی.
خانم فریدگه کوره، برق کیسیلگن موضوعی برق بهاسی کوپهیتیریلگنی گه باغلیق ایمس و بو توغریده تدقیقات اوتکزیلیشی کیرهک.
عین حالده، هرات ولایت کینگشی باشلیغی کامران علیزایینینگ ایتیشیچه، ترکمنستان برقی برشنا شرکتی مرکزی مسؤوللرینینگ دقت سیزلیگی باعث، کیسیلگن. اونینگ ایتیشیچه، اولر برق کیسیلیشیدن آلدین ترکمنستان بیلن کیلیشیشی لازم ایدی.
شونینگدیک، هرات محلی ادارهسی، برشنا شرکتی عمومی باشلیغیدن تیزلیکده ترکمنستان بیلن کیلیشیب و اهالی قیینچیلیگی حل قیلینیشینی سورهگن.
افغانستان برقیدن کمیده 70% ترکمنستان، ایران، تاجیکستان و ایران مملکتلریدن و یالغیز 30% ایچکی منبعلردن تأمینلنهدی.
