دایکندی ولایتی نینگ ولایتی کینگش اعضاسی شیما محمدی، مذکور کینگش اورین باسری سبحان نایبی تامانیدن زوروانلهنیب کلتکلنگن.
خانم محمدی نینگ ایتیشیچه، کوپ زمانلردن بیری دایکندی محلی حکومتی نینگ برنامهلریگه موافق خوش قرشیله گنی دلیل اوشبو کینگش اورین باسری تامانیدن لفظی زوروانلیک بیلن روپهره بولگن ایدی و بو زوروانلیکلر جسمی کلتکلشگه قدر ایتگن.
اونگه کوره، معصومه مرادی دایکندی والیسی حیثیده تنلنگنیدن بیری، ولایتی کینگش اعضالری ارا سیاسی قرمه قرشیلیکلر تاپیلگن و مذکور کینگش اعضاسی نیچه بولینیب، بیرقطاری محلی حکومتدن آرقه داشلیک بیلدیرهدی و باشقه بیرقطاری ایسه اونگه قرشی و بیرقطاری هم طرفسیز قالگن.
خانم محمدیگه کوره، دایما سبحان نایبی نینگ زوروانلیگی اونگه قرهتیلهدی، شونینگدیک جاری هفته یکشنبه کونی لفظی زوروانلیکلر جسمی کلتکلشگه قدر ایتگن.
بیراق دایکندی ولایتی کینگش اورین باسری بو ادعالرنی اوزیگه قرشی فتنه کارلیکلر دیب بیلهدی.
جناب نایبی، ولایتی کینگشده تیل اوچونی جنجاللر هرکونلیک مسأله، بیراق شیما محمدینی کلتکله گنینی یلغان دیب دیدی.
نایبی بو ادعانی دایکندی محلی حکومتی تامانیدن اونگه قرشی سیاسی توختهلیش دیب بیلهدی و ایتیشیچه، ولایت محلی حکومتی اینیقسه والی فتنه کارلیکلر بیلن دایکندی یشاوچیلرینی ایکیلنتیریب، ناکاملیگی اوستیده توپراق سورماقچی بولگن.
دایکندی ولایت رسمیلریدن بوبارهده صحبت آلماقچی بولدیک؛ بیراق اوشبو اداره جواب بیریشگه حاضر بولمهدی.
دایکندی ولایتی کینگش باشلیغی غیرتعلی جواهری هم موضوع نی رد قیلیب ایتیشیچه، کینگش اولتیریشلریده تیل اوچون جنجاللر طبیعی بیرمسأله و «خانم محمدی نینگ کلتکلنگن موضوعسی توغری ایمس.»
دایکندی ولایتی کینگش باشلیغی نینگ ایتیشیچه، بو ایکی اعضا اورتهسیده تیلله شیشلردن کیین، قیینچیلیک حل ایتیلگن.
