افغانستان بوییچه ساغلیقنی سقلش وزیرلیگی، کابل ده کرونا ویروس گه چلینگنلرنینگ رقمی کونساین آشیشیدن آگاهلنتیردی. مذکور وزیرلیک نینگ ایتیشیچه، اوتگن بیر کیچه-کوندوز ده بیش ولایتده کرونا ویروس دن باشقه 66 ینگی ایجابی واقعه رویخط گه آلینگن و بو آرهدن 52 تهسی کابل ده بولگن.
بوگون «سهشنبه، 2- ثور» ساغلیقنی سقلش وزیرلیگی سوزلاوچیسی وحیدالله مایارنینگ ایتیشیچه، اوتگن بیر کیچه-کوندو ده 52 کیشی کابل ده، 5 کیشی لغمان ده، 4 کیشی ننگرهار ده، 4 کیشی بغلان ده و بیر کیشی پکتیا ده کرونا ویروس گه چلینگن.
جناب مایارگه کوره، کابل ده 385 واقعه رویخط گه آلینگنی اوچون کرونا ویروس گه دوچ کیلگن ولایتلرنینگ باشیده توختهگن.
افغانستانده هرات ولایتی کرونا ویروس نینگ قیناغی دییلهدی و بو ولایتده 334 ایجابی واقعه رویخط گه آلینیب کوپینچه رقم گه ایگه بولگن ایکینچی ولایت سنلهدی.
ینگیلیکده رویخط گه آلینگن 66 ینگی ایجابی واقعه شامل مملکت ده کرونا ویروس گه چلینگنلرنینگ سانی 1092 کیشی گه ییتیشدی.
ساغلیقنی سقلش وزیرلیگی تامانیدن بیریلگن رقم اساسیده، حاضرگهقدر مملکت ده کرونا ویروس گه چلینگنلردن 150 تهسی ساغهیگن و باشقه 36 تهسی جان بیرگن.
