د خوست د ولایتي شورا وکیل خانمیر ځاځی وايي چې نن سهار پاکستاني ملېشهيي ځواکونو د وسلهوالو طالبانو په جامه کې د ډیورنډ فرضي کرښې ته څېرمه د خوست ولایت په ځاځي میدان ولسوالۍ کې پر پاڅونوالو وسلهوال برید کړی.
د ښاغلي ځاځي په وینا، په نښتې کې ۴ تنه پاکستاني ملېشې او ۳ تنه پاڅونوال وژل شويدي.
د نوموړي په خبره، نښته د ځاځي میدان ولسوالۍ سیديکنډو په سیمه کې شوې او پاکستانيو ملېشهيي ځواکونو پهکې د هاوان په څېر درنې وسلې هم کارولې دي.
په ورته وخت کې د خوست امینې قوماندانۍ ویاند عبدالبصیر بینا سلام وطندار ته وویل چې نښته د پاکستانيو ملیشهيي ځواکونو لهخوا پیل شوې چې ۷ تنه ملېشې او ۳ تنه ولسي پاڅونوال پهکې وژل شوي.
د دۀ په وینا، نښته لا هم دوام لري او سیمې ته تازه دمي افغان ځواکونه ور روان دي.
د خوست په ځاځي میدان ولسوالۍ کې پاکستاني ځواکونه او ملېشې وخت ناوخت دا ډول پېښې رامنځته کوي.
