د جوزجان د والي ویاند محمدرضا غفوري سلام وطندار ته وویل چې، داعشیانو پرون د دې ولایت د درزاب ولسوالۍ په مغول کلي کې یو ۱۱ کلن ماشوم صحرايي محاکمه کړی او بیا یې ترې سر پرې کړیدی.
د غفوري په وینا، دا ۱۱ کلن ماشوم ریحم نومېد او د درزاب ولسوالۍ د بتوي سیمې اصلي اوسېدونکی و.
د والي ویاند زیاته کړه، دا ماشوم پهدې دلیل وژل شوی چې اوخښي یې د پولیسو په لیکو کې دنده لرله.
د درزاب ولسوالۍ یو اوسېدونکي بازمحمد داور سلام وطندار ته وویل چې داعشیانو دا ماشوم د پولیسو پوستو ته د اوبو او ډوډۍ په وړلو تورن کړی او بیا له صحرايي محاکمې وروسته ترې سر پرې کړیدی.
