د عامې روغتیا وزارت وايي، تېرو ۲۴ ساعتونو کې بېلا بېلو ولایتونو کې د کورونا ویروس ۸۶۶ مثبتې پېښې ثبت شوي چې ټول هېواد کې په کوویډ ۱۹ ناروغۍ د اخته کسانو شمېر ۱۴ زره او ۵۲۵ ته رسېږي.
دا په تېرو دوو میاشتو کې په کورونا ویروس د اخته کېدو راهیسې تر ټولو لوړه شمېره ده.
د کورونا ویروس د ۸۶۶ تازه پېښو له ډلې تر ټولو ډېرې ۴۱۱ کابل او ۱۷۷ هرات ولایت کې ثبت شوې دي.
افغانستان کې تېره یوه شپه او ورځ کې د کوویډ ۱۹ ناروغۍ له کبله ۳ کسان تازه مړه شوي او ۴۴ بېرته روغ شوي چې د ټولو مړو شوو شمېر ۲۴۹ او د بېرته رغېدلو هم ۱۳۰۳ ته رسېږي.
د عامې روغتیا وزارت وايي، ښايي راتلونکيو ورځو کې د کورونا ویروس پېښې له کنټروله ووځي، نو په دې توګه دې هېوادوال روغتیايي سپارښتنو ته جدي پام وکړي.
