د عامې روغتیا وزارت وايي چې په تېرو ۲۴ ساعتونو کې یې پر کورونا د ۶۳۳ شکمنو اخته کسانو نمونې کتلي چې له ډلې یې د ۱۷۴ هغو پایلې مثبتې ختلې دي.
د تازه پېښو په ثبت سره په هېواد کې پر کورونال د اخته کسانو شمېر ۳۵ زره ۴۶۳ ته رسېږي.
د روغتیا وزارت د راپور له مخې، په تېره یوه شپه او ورځ کې پر کورونا ۳۶۱ اخته کسان بېرته ښه شوي چې په دې سره د ټولو رغېدلو کسانو شمېر ۲۳ زره ۶۴۱ ته ورسېده.
کابل، هرات، بلخ، ننګرهار، کندهار او پکتیا هغه ولایتونه دي چې د کورونا ډېرې مثبتې پېښې لري.
د دغه راپور له مخې، په تېرو ۲۴ ساعتونو کې ۱۷ کسان د کورونا له کبله مړه شوي چې په دې سره د ټولو مړو شویو کسانو شمېر ۱۱۸۱ ته رسېږي.
