د ننګرهار د والي ویاند عطالله خوږیاڼی وايي، تېره ورځ ماښام ناوخته د جلالاباد ښار د څلورمې ناحيې اړوند مجبور اباد سيمه کې د محمداغا په نوم د يوه کس د کور چت پرېوتو پېښه کې ۴ ماشومان مړه شوي او ۲ نور ټپيان شوي دي.
خوږیاڼی همدا راز وايي، دې ته ورته په يوه بله پېښه کې د جلالاباد ښار لومړۍ ناحيې اړوند قول اردو فاميلو سيمه کې هم د يو چت پريو له کبله ۴ نور کسان بيا ټپيان شوي.
د نوموړي په وينا، دواړه پېښې د وروستي توفان د لګېدو له کبله شوې دي.
