د پکتيا پوهنې رياست مسوولان وایي، دې ولایت کې پوهنې ته د خلکو لیتوالتیا په بېسارې توګه لوړه شوې چې ښکاره بېلګه یې پهخپله خوښه او وړتیا توګه د خلکو له لوري ښوونځیو ته ځمکې ډالۍ ده.
د پوهنې ریيس کوچي ځاځي نن ګردیز کې خبري غونډې ته وويل، سره لهدې چې پهدې ولايت کې ځمکه کمه ده؛ خو بيا هم خلکو له پوهنې سره د بېسارې لیوالتیا لهمخې ۷۲ جریبه ځمکه – چې ۶۰ میلیونه افغانۍ ارزښت لري ـ د ښوونځيو جوړولو له پاره ورکړېده.
د پکتیا د پوهنې رییس کوچي ځاځي دا هم وویل چې د روان کال په اوږدو کې ځایي خلکو د ښوونځیو رغاونې په موخه شاوخوا ۲۴ میلیونه افغانۍ بسپنه هم کړېده.
ښاغلی ځاځي زیاته کړه په پام کې ده په راتلونکي کال د دولت په لګښت هم دغلته ۴۰ ښوونځي جوړ شي.
د پکتيا په مرکز او ټولو ولسواليو کې ۳۶۰ ښوونځي شته چې شاوخوا ۲۲۰ يې ودانۍ نهلري.
ورته مطالب:
یو نالوستي د نجونو ښوونځي ته وړیا ځمکه ورکړه
هلمند کې ۱۰۰ تړلي ښوونځي بېرته پرانستل کېږي
زابل کې ۶۵ تړلي ښوونځي پرانیستل شوي
