.jpg)
د افغانستان د ازادو رسنیو ملاټر اداره یا نی وايي، چې د ولسمشر له خوا د سایبري جرمونو توشیح شوي قانونو په ځینو مادو کې ناڅرګندتیا به رسنیو ته د اطلاع رسولو په چارو کې محدودیتونه رامنځته کوي.
د نی اجرایوي مشر عبدالمجیب خلوتګر د سه شنبې په ورځ کابل کې د افغانستان د جزا توشیح شوي قانون په غبرګون کې رسنیو ته وویل، د دغه قانون یو شمېر مادې ناڅرګندې دي او نی باوري دی، د افغانستان جزايي قانون په دغې برخه کې معلوماتو ته لاس رسی او د وینا ازادي محدوده شوې.
خلوتګر له حکومته غواړي، د سایبري رسنیو په اړه د دغه قانون د ځینو مادو په اړه جدي وضاحت ورکړي، چې هېواد کې د خبر رسولو کار مخه ونه نیسي.
.jpg)
د ده په خبره، د دغه قانون په ځینو برخو کې په ناڅرګنده توګه راغلي، چې د هغو معلوماتو خپرول او لېږل چې د دیني ارزښتونو خلاف وي جرم ګڼل کېږي او د هر ډول برېښنايي، مخابراتي او ټکنالوژیکي وسایلو واردول منع دي، چې دغه ټکي په قانون کې په سمه توګه روښانه شوي نه دي.
د نی مشر له حکومته وغوښتل، چې د دغه قانون په ۸۹۴ مادې کې راغلي هغه کسان چې قومي، مذهبي او دیني تعصباتو ته لمن وهي مجرم دي؛ خو د دیني، مذهبي او ژبنیو تعصباتو عواملو ته اشاره نه ده شوې.
د نی مسوولینو د حکومت له خوا د وسله والو مخالفینو د سایتونو تړلو ستاینه وکړه او دغه کار يې هېواد کې د امنیت ټینګښت په برخه کې ګټور وباله.
د نی د غبرګون په اړه مو عدلیې وزارت سره د نظر اخیستلو له پاره اړیکه ونیوله، خو دغه وزارت د پرلپسې اړیکو سره، سره ځواب ونه ویلې.
