افغانستانده کرونا ویروسی نینگ تشخیص قیلیش تورتینچی مرکز کابلده ساغلیقنی سقلش وزیرلیگی تامانیدن آچیلدی. اوشبو مرکز ایکینچیلیک، سوولنتیریش و چارواچیلیک وزیرلیگی نینگ لابراتواری ده ایجاد ایتیلگن و بو مرکزده هر کون 100 اورنک سیناودن اوتکزیلهدی.
بوگون «دوشنبه، 11- حمل» اوشبو تشخیص مرکزی نی آچیش مراسمیده ساغلیقنی سقلش وزیری فیروزالدین فیروزنینگ ایتیشیچه، تیزلیککه قندوز، بلخ و قندهار ولایتلریده هم کرونا ویروسی نینگ تشخیص قیلووچی مرکز ایجاد ایتیلهدی.
اونگه کوره، بو وزیرلیک هر کون کرونا ویروسی دن 1000 واقعه تشخیص قیلینیشی توغریسیده سعی و حرکت قیلهدی.
ساغلیقنی سقلش وزیری نینگ ایشانچی گه کوره، کیلهسی ایکی کونگچه چین کرونا ویروسی نینگ تشخیص قیلووچی 10 مینگ کیت افغانستان گه یاردم بیرهدی و بو کیتلر 500 مینگ کیشی نینگ نتیجهسی تشخیص قیلینیشی گه زمینه یرهتهدی.
ایکینچیلیک وزیری نصیراحمد درانی نینگ ایتیشیچه، وضعیت یامان بولگن صورتده، بو وزیرلیک باشقه لابراتوارلرینی هم ساغلیقنی سقلش وزیرلیگی نینگ اختیاریده قویهدی.
مملکت ده کرونا ویروسی رواجلنگنیدن بیر آی اوتماقده، بیراق حاضرگهقدر یالغیز کابل، هرات و ننگرهار ولایتلری اوشبو ویروس نی تشخیص قیلووچی 3 مرکز ایجاد ایتیلگن.
مملکت بوییچه ساغلیقنی سقلش وزیری، مملکت ده اوشبو ویروس نی همهشمول دییدی، بیراق یشاوچیلردن بو ویروس نینگ آلدی آلینیشی اوچون اویده قالیشلرینی طلب قیلگن.
افغانستانده حاضرگهقدر 141 کیشی کرونا ویروسی گه چلینگن و کوپینچهسی هرات ولایتیده رویخط گه آلینگن. 141 واقعه آرهسیدن حاضرگهقدر 4 تهسی اولیب و باشقه 5 تهسی یخشی بولگن.
