ملی خوفسیزلیک کینگشی نینگ ایتیشیچه، طالبان اوتگن ایکی هفته جریانیده 89 تینچاهالی نی اولدیرگن. مذکور کینگش بوگون بیر اعلامیه ترقهتیب یازیشیچه، طالبان اوتگن ایکی هفتهده هردایم کبی افغانستانلیکلرگه قرشی زوروانلیککه دوام بیرگن کیم نتیجهده قطار تینچاهالی هلاک و یرهلنگن.
ملی خوفسیزلیک کینگشی گه کوره، طالبان جنگریلری اوشبو ایکی هفتهده 29 ولایتده 89 تینچاهالی نی اولدیرگن و باشقه 150 کیشی نی یرهلنتیرگن.
مذکور کینگش تامانیدن ترقهتیلگن خبرنامهده کیلیشیچه، اوشبو تینچاهالی طالبان آرقهلی یول چیککهسیده ییرلشتریلگن ماین پارتلشی و قوراللی هجوملر عاقبتیده هلاک ایتیلگن.
طالبان گروهی ملی خوفسیزلیک کینگشی نینگ بو ادعالری توغریسیده حاضرگچه هیچ بیر نرسه دیمهگن.
