جوزجان ولایتی نینگ محلی رسمیلری همده یشاوچیلری، اسلامی دولت جنگریسی (داعش) ولایتده بیر قنچه زیارتگاه و قبرستاننی یاندیریب یوبارگن لیگینی بیلدیردیلر.
جوزجان ولایتی والیسی نینگ سوزلاووچیسی محمدرضا غفوری، حکمت ناملی شخص نینگ رهبرلیگیدهگی داعش جنگریلری جوزجان ولایتی سردره منطقهسیده بیبی مریم و صوفی دوستمحمد قیشلاغیده ایکّی زیارتنی اوتگه یاندیرگن لیگینی تصدیقلهدی.
خبرنی تصدیق ایتگن درزاب تومنی نینگ یشاوچیلری، تومندهگی داعش جنگریلری ادارهلریده بولگن منطقهلریدهگی بوتون قبرستان و زیارتگاهلرنی نابود قیلیش بارهسیده آگاهلنتنیرگن دیدیلر. اولرنینگ سوزلریگه کوره، داعش تودهسیگه وفادار جنگریلر حتی بیرمینگ ییل تاریخگه ایگه خواجه آشکاراجان زیارتینی نابود قیلگن.
.jpg)
تومن نینگ قوم یاش اولوغلری بوندن نیچه وقت آلدین مردمی کوچ قوماندانی نینگ جسدی داعش جنگریلری تامانیدن اوتگه اوریلگن ایدی دیدیلر. حکومت درزاب تومنیده داعش فعالیتی آلدی آلینیشی اوچون حربی تازهلش عملیات اوتکزمهگن حالده، وضعیت بوندن هم کوره یامان بولیشی امکان سیز ایمس دیدی تومن خلقی.
داعش جنگریلرنینگ عقیدهسیگه کوره تاریخی هیکللر بُت پرستلیک حسابلنهدی شونینگ اوچون هیکللر نابود بولیشی کیرهک. داعش نینگ اصلی ایلدیزی عراق و سوریه ده اونلب تاریخی آبدهنی نابود قیلگن ایدی. شونینگدیک اسلام دولت (داعش حرکتی) اوتگن ییل موصلدهگی بوتون تاریخی آبدهلرنی ییر بیلن یکسان قیلگندی.
داعش تودهسی میلادی 2006- ییلده افراطتی بیر گروه صفتیده عراقده شکل آلدی. بو حرکت عراقده بیر نیچه هجومنی صادر قیلیش بیلن دنیا دولتلری دقتینی اوزیگه جلب قیلدی. داعش حرکتی میلادی 2014- ییل جون آیی نینگ اوللریده موصل شهرینی اوز تصرفیگه آلیش بیلن دنیا ینگیلیکلری سیرهسیگه کیردی.
