پاکستان اسلامی عالملر جمعیت حزبی طالبلر بیلن اولتیریشلر و سوزلشوولرنی باشلهگن و برچه گروهنی افغانستانده اوروشیش اوچون بیر رهبر اطرافیگه ییغهدی.
حقانیه دینی مدرسهسی باشلیغی و شونینگدیک اوشبو حزب باشلیغی مولانا سمیعالحق اوتکن چهارشنبه کونی مذکور مدرسه تعلیمی ییلی باشلهنیشی و ملاعمر اورنیگه ملااختر محمد منصور تعیینلنگنیدن حمایت قیلیب و باشقه طالبلر بویوکلریدن اونی بیلن بیرگه بولیشلرینی سورهگن.
سمیعالحقنینگ ایتیشیچه، چیت ایللیک کوچلر افغانستانده قالیشنی ایستهیدی و طالبلر اورتهسیدهگی قرهمه قرشیلیک، اوشبو کوچلر حضوری توغریسیده زمینه یرهتهدی. اونینگ طالبلرگه خطاب قیلیب ایتیشیچه، افغانستانده اوروشیش اوچون بیرلهشیب و قولگه کیریتکن یوتوقلرنی قولدن بیرمسلیک کیرهک.
شونینگدیک گزارشلرگه کوره، ایریم قوراللی گروهلر پاکستان اسلامی عالملر جمعیتی باشلیغی بیلن علاقه قوریب و اوندن طالبلر گروهی اورتهسیده واسطهچیلیک قیلیشینی سورهگنلر.
ایتیلیشیچه، ملامنصورگه طرفدار گروهلردن بیری سمیعالحق آلدیگه باریب، او و باشقه طالبلر گروهینی ملامنصور بیلن بیرگه بولیشینی ایستهگن.
سلاموطندارگه ییتیشگن گزارشگه کوره، اوشبو 45 کیشیلیک گروه گه، حافظ محیبالله، مولوی کبیر و باشقه بیرقطار طالبلر سابق رسمیلریهم حضور تاپکن.
سمیعالحقنینگ ایتیشیچه، طالبلر شاگردی بولهدی و اونی سوزلریگه عمل قیلهدی.
شوندهی بیرحالده، ملاعمر سوزلاوچیسی و مدنیت مصلحتچیسی عبدالحی مطمئننینگ انچه کونلر آلدین ایتیشیچه، ملا منصور رهبرلیگیگه قرشیلیک کورستکن کیشیلر، ملاعمر رهبرلیگیگه قرشی ایکن.
باشقه تاماندن ایتیلیشیچه، ملامنصورگه قرشی گروهلر پاکستان اسلامی عالملر جمعیتی باشلیغی بیلن سوزلهشیش مقصدده بیرهیأت یوبارگن. قولگه کیلگن معلوماتگه کوره، ملاحسن روحانی، ملاجلیل و ملاغلامرسول بو هیأتگه شامل بولگن.
عین حالده، مولانا سمیعالحق اوغلی حامدالحقنینگ رادیویی سوزلشوویده ایتیشیچه، طالبلر رسمیلری بیلن آتهسینینگ اوچرهشوولری دوام ایتماقده.
حامدالحقنینگ ایتیشیچه، طالبلر آتهسیگه حرمت قایل بولهدی و اونینگ سوزلرینی ییرگه تشلمهیدی.
پاکستان طالبلردن حمایت ایتهدی و افغانستان حکومتی تینچ تورهدی
حاضر سوراق توغیلهدی، پاکستان حکومتی نیمه اوچون مذکور مملکت ایچیده توزهلگن طالبلردن حمایت ایتووچی سیاسی حزبگه قرشیلیک کورستمهیدی و نیمه اوچون افغانستان حکومتی بو قضیه توغریسیده بی فرق قالهدی.
جمهورلیک رییسلیک سوزلاوچیسی اورین باسری سیدظفر هاشمینینگ بو توغریده ایتیشیچه، جمهور رییس غنی سونگی اوزگریشلر توغریسیده پاکستان رسمیلری بیلن سوزلشگن. بیراق جناب هاشمی بو صحبتلر توغریسیده آچیق معلومات بیرمهگن.
جمهور رییسنینگ یخشی حکومتدارلیک بوییچه مخصوص نمایندهسی احمدضیا مسعودنینگ کابلده بیر خبری ییغینده طالبلرگه خطاب ایتیشیچه، مملکتلریگه قیتیب اوروش و ناتینچلیک اورنیده، تینچ لیککه زمینه یرهتیشلری لازم.
جناب مسعودنینگ ایتیشیچه، پاکستان اوز منفعتی اوچون طالبلردن حمایت ایتهدی، قچانکه منفعتیگه ایش قیلمسه، ملاعمردیک نابود قیلهدی.
مولانا سمیعالحق اوزینینگ طالبلرنی روحانی آتهسی دیب، ملاعمر و باشقه طالبلر ییریک اعضالریدن شاگردلری صفتیده ایسلهیدی.
حقانی مدرسهسیده تورت مینگدن آشه کیشی دینی تعلیمات کورهدی، ایتیلیشیچه، ایریم پیتلرده اوشبو مدرسه شاگردلریدن افغانستانگه خودکش هجوملرینی عملگه آشیریش اوچون یوباریلهدی.
