.jpg)
شو سونگیده وزیرلر کینگشی وزارتخانهلر و دولتی نهادلرده 20-21 ینچی عقرب ناراضیلیکده اشتراک ایتگن ایشلاوچیلرینی تیکشیریش بویروغینی بیرگن.
اما ایش بیلرمانلردن کوپیسی، وزیرلر کینگشینینگ 25- عقربده صادر قیلگن حکمی، اساسی قانون 36- مادهسیگه قرشی ایکنلیگینی بیلدیرهدیلر.
اساسی قانون 36 لمچی مادهسی، اولکه یشاوچیلری هدفلرینی قورالسیز و قانون یوزه سیدن، صلحآمیز شکلیده ییغین و اعتراضلر اوتکزیشگه حقی بار دیگن.
وزیرلر کینگشی بویروغیده: « 20-21 ینچی عقرب کونلریده اوتکزیلگن اعتراضده وزیرلیکلر و دولتی ادارهلر ایشلاوچیلری و امنیتی کوچلردن قتنشگنلر و بوبارهده ثبوت هم بولسه، تیرگاوگه آلیب اولر بیلن قانونی کیلیشسینلر دیگن.»
مدنی فعال، رامین انورینینگ ایتیشیچه، دولتی ایشلاوچیلر ناراضیلیک کورستیشلرده قتنهشیشی اوچون قانون هیچ قندهی بیر توسیق کیلتیرمهگن. جناب انوریگه کوره، امنیتی نهادلر ایشلاوچیلری اعتراضلر و ییغینلرده اشتراک ایتیش حقی یوق و بو وزیرلر کینگشی سونگی ایشیدن «استبداد» ایسی کیلهدی.
بو بویروغ آستیده مدنیت و بیلدیریش وزیرینینگ امضاسی هم بار.
اونینگ کوپهیتیریشیچه، باید افغانستان دولتی بیلسه که، دولت ایشلاوچیلری «خصوصی ملکیتی» ایمس و اولر دولت ناقولی سیاستلرینی نقد قیلیشگه حقلری بولمسه.
اما اجرایی ریاست سوزلاوچیسی اورین باسری جاوید فیصل، مدنی اعتراض هر بیر یشاوچی حقیلیگینی تأیید قیلهدی و رسمی ایش وقتیده دولت ایشلاوچیلرینینگ اعتراضلرده باریب قوشیلیشلری قانونگه قرشی و باید بو تیکشیریلسه دیدی.
20- عقرب کابلده یوکسک اعتراض بولیب اوتیشی بیلن کیلهسی کونلرده اولکه ایریم ولایتلریده بو حرکت شدت تاپدی و دولت تنقید آستیده قالدی.
بو اعتراضچیلر زابل ولایتیده طالبلر قولیده 7 یولاوچی باشی کیسیلیشی عاقبتیده بولیب، کابل دشت برچی «شهید مزاری مصلی» سیدن جمهورلیک سراییگه قدر اعتراض بیلدیریب حکومتنی اوغیرلنگن یولاوچیلر بارهسیده توجه سیزلیککه عیبلهگن ایدیلر.
