آمریکا مرکزی قومندانلیک مرکز (سنتکام) باشلیغی جنرال کنت مککنزی نینگ ایتیشیچه، آمریکا اوتگن ییل فبروری آییده طالبان بیلن امضالهگن کیلیشوونامه اساسیده، افغانستان گه موجود حربیلری نینگ رقمی نی 8600 کیشی گه کمهیتیرگن.
اوشبو آمریکالیک جنرال بو بیانات نی اوتگن کون (پنجشنبه 29- جوزا) بیر ویدیو کنفرانس آرقهلی «اسپن استراتژیک گروهی» نینگ ییغینیده بیان قیلگن.
آسوشیتدپرس خبری آژانسی نینگ گزارشی گه کوره کنت مک کنزی نینگ ایتیشچه، دوحه ده امضالنگن کیلیشوونامه اساسیده، آمریکا 2021- ییل گه قدر افغانستان گه موجود حربیلری نینگ برچهسینی چیقارهدی، بیراق اونینگ اوغولشیچه، بو سوز عمل گه آشیریلیشی طالبلرنینگ بیللی اقداملریگه باغلیق دیر.
مذکور آمریکالیک جنرال نینگ کوپهیتیریشیچه: «افغانستان ده آمریکا گه قرشی هیچ قندی هجوم اویوشتیریلمهسلیگی توغریسیده ایشانچ قولگه کیلتیریشیمیز حقیده شرایط یرهتیلیشی کیرهک. طالبلر بو ایش نی قیلمهیدی، بیراق القاعده و داعش بو ایش نی قیلهدی.»
آمریکا و طالبان گروهی آرهسیده امضالنگن کیلیشوونامه اساسیده، طالبان افغانستان نینگ توپراغیدن آمریکا گه قرشی استعمال بولمهسلیگی توغریسیده سوز بیرگن.
سنتکام قومندانی بو توغریده ایتیشیچه: «بو حقده حاضر قضاوت قیلیب بولمهیدی و آمریکا طالبلرنینگ کوز آستیده آلیشی ممکن. طالبان حاضرگچه بو موضوع نی بوتونلی ثابت قیلمهگن. بو ایش اوچون فرصت بار، بیراق بو فرصت هر کون کمهیشی ممکن.»
اوتگن ییل آمریکا و طالبان گروهی آرهسیده قطرده امضالنگن کیلیشوونامه اساسیده، مذکور مملکت 4 آی جریانیده یعنی جولای آیی نینگ یریمی گه قدر افغانستان گه موجود حربیلری نینگ رقمی نی 12 مینگدن 8600 گه کمهیتیرهدی و 14 آی گچه برچه آمریکالیک حربیلر افغانستان نی ترک قیلیشی گه قرار قیلینگن.
باشقه بیر تاماندن رویترز خبری آژانسی افغانستان رسمیلری اروپالیک و آسیالیک دیپلماتلر شامل 5 ایشانچلی منبعدن نقل قیلیب گزارش بیریشیچه، غرب قدرتلری قانلی و دهشتلی هجوملرگه عیبلهنگن یوزلرچه طالبان محبوسی، افغانستان دولتی نینگ قماقخانهلریدن قوییب یوباریلمهسلیگی توغریسیده افغانستان حکومتی نینگ قراریدن حمایت قیلهدی.
آتی فاش ایتیلیشی نی ایستمهگن اروپالیک بیر دیپلمات رویترز خبری آژانسی گه ایتیشیچه، طالبلرنینگ خطرناک جنگریلریدن قطاری نینگ آتی بو رویخط گه شامل دیر کیم اولرنینگ قوییب یوباریلیشی قیزیل چیزیغدن اوتیش دیر.
بیراق طالبان سوزلاوچیسی ذبیحالله مجاهد نینگ رویترز گه ایتیشیچه: «طالبلرنینگ محبوسلرینی آرهسیده بوندهی کیشیلر یوق دیر و کابل دولتی تینچلیک پروسهسی توغریسیده توسیقلیک یرهتیش اوچون بوندهی نرسهلرنی بهانه قیلهدی.»
افغانستان حکومتی حاضرگچه طالبان محبوسلریدن 3 مینگدن آرتیغی نی قوییب یوبارگن و شونینگدیک بو گروه امنیتی کوچلرنینگ 300 دن آرتیق محبوسی نی آزاد قیلگن.
