.jpg)
غور امنیتی مسووللری نینگ ایتیشیچه، انسان دوستلیک بیر نهاد (CHA) ایشلاوچیلری نینگ موتری اوتگن کونی اوشبو ولایت مرکزی فیروزکوه شهریده طالبان تامانیدن هجوم آستیگه قرار بیریلگن.
غور پولیس قومندانلیگی سوزلاوچیسی عبدالسمیع نژاد نینگ ایتیشیچه، بو واقعهده مذکور نهادنینگ 2 عیال ایشلاوچیسی هلاک ایتیلگن.
اونینگ ایتیشیچه، اوشبو نهاد 2 عیال و 3 ایرکک ایشلاوچیسی ساغلیک خذمتلر ییتیشتیریش اوچون فیروزکوه شهری نینگ غربیده جایلشگن «میدانک برخانه» منطقهسیده بارگن ایکنلر، بیراق قیتیب کیتهدیگن بیرچاغده، «خارستان» قیشلاغیده طالبان تامانیدن هجوم آستیگه قرار بیریلگن.
غور ولایتی کسلخانه مسووللری نینگ ایتیشیچه، واقعه یوز بیرگن محلدن ایکی عیال نینگ جسدی کسلخانهگه انتقال بیریلگن.
طالبان گروهی حاضرگهقدر بو توغریده فکر بیلدیرمهگن.
