آمریکا تشقی ایشلر وزیرلیگی نینگ «تروریسم» خصوصیده بولگن ییللیک گزارشیده ایتیلیشیچه، پاکستان حاضرده هم تروریستلر اوچون تینچ باشپناه دیر و اوشبو مملکت طالبان و حقانی شبکهسیگه افغانستانگه قرشی هجوم اویوشتیریش اوچون پاکستان توپراغی دن فایدهلهنیش گه رخصت بیرگن.
بو گزارش اوتگن کیچه نشر قیلینگن و مذکور گزارشده عصیانچیلرنینگ فعالیتلری، تحرکاتلری و آمریکا نینگ 2019- ییلده تروریسمگه قرشی کورهشیشی خصوصیده معلومات بیریلگن.
شونینگدیک، گزارشده ایتیلیشیچه، پاکستان دولتی تروریستی گروهلر فعالیتیگه توسیق بولیش اوچون جدی شکلده سعی و حرکت قیلمهگن. مذکور گزارشگه کوره، طالبان، حقانی شبکهسی، لشکری طیبه و جیشمحمد گروهی افغانستان و هند گه قرشی هجوم اویوشتیریش اوچون پاکستان توپراغیدن فایدهلنهدی.
گزارش بیر بولیمیده ایتیلیشیچه، پاکستان تروریستی گروهلرگه منطقه مملکتلری اینقسه هند و افغانستانی هدف قرار بیریش اوچون رخصت بیرگن.
مذکور گزارشگه کوره، پاکستانده بولگن مدرسهلردن کوپ قطاری عصیانچیلیک اوچون مناسب جای دیر و مذکور مدرسهلرده عصیانچیلیک تدریس قیلینهدی.
گزارشده کوپهیتیریشیچه، پاکستانده تروریستی گروهلرنینگ فعالیتی بولگنی چکهسیده، اوشبو مملکت افغانستانده طالبان نینگ زوروانلیکنی کمهیتیریشگه راضی قیلگن.
گزارش نینگ سونگی بولیمیده ایتیلیشیچه، اورته آسیا بیرقطار مملکتلری افغانستانده تروریسم کوپهیگنی دن خواطرگه دیر و سوریه و عراق اوروشدن قیتیب کیلگن افغانستانلیکلرنی اورته آسیا اوچون کته تهدید عنوان قیلهدیلر.
