طالبان گروهی هجوم‌لری نینگ کوپه‌یتیرگن بیر حالده، افغانستان تینچلیگی بوییچه آمریکا خاص نماینده‌سی زلمی خلیلزاد بیر ییغینده ایتیشیچه، افغانستان ده زوروانلیکلر کوپه‌یگنیدن آمریکا «ناراضی» دیر.
اوتگن کون (جمعه 3- اسد) آمریکا تینچلیک انستیتیوتی میزبانلیگیده یولگه قوییلگن ییغینده خلیلزاد نینگ ایتیشیچه، افغانستان ده زوروانلیکلر کوپه‌یشی قبول قیلینمه‌یدی. شونینگدیک مذکور ویدیویی ییغینده افغانستان، اوزبیکستان و قزاقستان ایلچی‌لری قتنشگن ایدی.
اونگه کوره، امنیتی کوچلر و تینچ‌اهالی نینگ تلفاتی اوتگن ییل گه نسبتن کمه‌یگن. خلیلزاد نینگ کوپه‌یتیریشیچه، زوروانلیکلر کوپه‌یگن بیرحالده، امنیتی کوچلر و تینچ‌اهالی تلفاتی کمه‌یگن.
جناب خلیلزاد بونده‌ی نطق سوزله‌گن بیر پیتده، ملی خوفسیزلیک کینگشی سونگی آی‌لرده زوروانلیکلر و تینچ‌اهالی تلفاتی کوپه‌یگنیدن خبر بیرگن. اوتگن کون ملی خوفسیزلیک کینگش دفتری نینگ ایتیشیچه، هر کون افغانستان ده کمیده 16 تینچ‌اهالی هلاک ایتیله‌دی.
مذکور ییغینده خلیلزاد افغانستان‌لیکلرارا سوزلشوولر باشله‌نیشی بیلن زوروانلیکلر کمه‌یشی خصوصیده امیدوارلیک بیلدیرگن.
اوشبو ییغینده واشنگتن ده کابل ایلچیسی رویا رحمانی، افغانستان تینچلیک پروسه‌سی توغریسیده آسیالیک مملکت‌لردن حمایت سوره‌دی.
واشنگتن بوییچه اوزبیکستان ایلچیسی جولان وکاوبوف نینگ ایتیشیچه، تینچلیک پروسه‌سی توغریسیده‌گی سعی و حرکتلر افغانستان اهالیسی نینگ اساسی قانون و خلق‌ارا قانون‌لرگه تضمین قیلینگن اساسی حقلری نی نابود قیلمه‌سی کیره‌ک.
واشنگتن ده قزاقستان ایلچیسی افغانستان‌لیکلرارا سوزلشوولردن میزبانلیک قیلیش اوچون اوز مملکتی نینگ تیارگرلیگیدن خبر بیرگن.
