طالبان گروهی جمهور رئیس محمداشرف غنی و عبدالله عبدالله نینگ آرهسیده امضالنگن سیاسی کیلیشوونامهنی «آلدینگی مؤفقیتسیز تجربه تکرارلنیشی» دییدی.
قطرده طالبان گروهی نینگ سیاسی دفتری سوزلاوچیسی سهیل شاهین، غنی و عبدالله نینگ آرهسیده امضالنگن سیاسی کیلیشوونامه گه عکسالعمل ایتیشیچه: «کابل ده بولگن ایش آلدینگی مؤفقیتسیز تجربه تکرارلنیشی دیر.»
سهیل شاهین نینگ اوز توییتر صحیفهسیده یازیشیچه، اصلی قیینچیلیک دوحه کیلیشوونامهسی عمل گه آشیریلمهگنی دیر. «افغانستان تامانلری اصلی قیینچیلیک حل ایتیلیشیگه دقت قیلیشلری کیرهک. افغانستان قیینچیلیگی حل ایتیلیشی دوحه کیلیشوونامهسی عملگه آشیریلیشی گه باغلیق بولگن.»
قطرده طالبان گروهی نینگ سیاسی دفتری سوزلاوچیسی نینگ اورغولشیچه، ایکی تامان محبوسلرنی قوییب یوباریش جریانینی یکونلنتیریب و تیزلیککه افغانستانلیکلر ارا مذاکره باشلهنیشی کیرهک.
جمهور رئیس محمداشرف غنی و عبدالله عبدالله نینگ آرهسیده بولگن سیاسی کیلیشوو اوچ آی جنجلدن سونگ، اوتگن کون «یکشنبه، 28- ثور» ایکی تامان نینگ آرهسیده امضالندی.
اوشبو کیلیشوونامه اساسیده، عبدالله عبدالله ملی مصالحه عالی کینگشی نینگ باشلیغی و شونینگدیک، کابینه نینگ 50% گه سهمدار بولهدی.
