قندوز ایکینچیلری و دهقانلریدن قطاری نینگ ایتیشلریچه، بو ولایت مرکزی و تومنلریده ناقانونی قورالی کیشیلر امنیت تأمینلش بهانهسی بیلن اهالیدن «عشر» توپلهیدی.
قندوز ولایتی دهقانلریدن بیری نینگ سلاموطندارگه ایتیشیچه، او بو ییل 5 جریب ییردن 300 سیر بوغدای قولگه کیلتیرگن، بیراق اونینگ 100 سیری نی قورالیلر «عشر» نامی آستیده اوندن آلگن. اونگه کوره، اهالی نینگ تسلیم بولیشدن باشقه بیر یولی یوق.
قندوز دهقانلری نینگ ایتیشلریچه، قورالی کیشیلر محصولاتلر توپلنگن بیر حالده تاپیلیب و ایکینچیلرنینگ آزارلنتیرهدی.
قندوز دهقانلری محلی و مرکزی حکومتدن اوشبو گروهلرنینگ آلدینی آلیشلرینی سورهشگن.
قندوز ایکینچیلیک ریاست باشلیغی عبدالهادی قرلق بو موضوع نی تصدیقلب ایتیشیچه، بو موضوع نی امنیتی نهادلر بیلن شریک قیلگن.
قندوز محلی مسئوللری گه کوره، سونگی ایکی ییلده 70 دن آرتیق قوراللی اهالی نینگ آزارلنتیریش گه عیبلهنیب امنیتی کوچلر آرقهلی اوشلب آلینگن و بو پروسه حاضرگچه دوام ایتماقده.
قندوز حاکمی سوزلاوچیسی عصمتالله مرادی نینگ ایتیشیچه، قندوز محلی حکومتی دهقانلردن عشر توپلهیدیگن کیشیلرنینگ آلدینی آلهدی.
بو بیرینچی مرته ایمس کیم قورالی کیشیلر قندوز دهقانلریدن عشر توپلهیدی. محل یشاوچیلریگه کوره، کمیده 10 ییلدن بویان محلی و مرکزی حکومت بو کیشیلرنینگ آلدینی آلالمهگن.
