بدخشان محلی رسمیلرینینگ ایتیشیچه، اخیرگی کونلرده طبیعی واقعهلر اوشبو ولایت یشاوچیلریگه مالی و جانی زیان یتیشتیرگن.
بدخشان حاکمینینگ سوزلاوچیسی نیکمحمد نظرینینگ ایتیشیچه، سووتاشقینلر یوزبیرگنی سبب اوشبو ولایت ایریم تومنلریده 7 کیشی هلاک بولیب، کمیده یوز مسکونی اوی تخریب و یوزلرچه جریب ییر سووتاشقینلر آستیده قولگن.
بدخشان یشاوچیلری، سووتاشقینلر یوزبیرگنی سبب مواصلاتی یوللر یاپیلیب قولگنی خصوصیده صحبت قیلهدیلر. اولرنینگ ایتیشیچه، اهالی بیرتاماندن ایکینچیلیکلرینی قول دن بیرگن و باشقه بیرتاماندن مواصلاتی یوللری یاپیلیب قویلگن، حاضرده آچیق فضاده حیات کیچیرهدی.
بیراق بدخشان حاکمی سوزلاوچیسینینگ ایتیشیچه، محل گه تحقیقی گروهلر باریب و اهالی گه همکارلیک لایحهسی باشلهنگن. عینحالده عامه فایدهلهنیش ریاستی، عمومی جادهلرنینگ تازهلش ایشی اوتکن کیچه باشلهنیب و بوگون مذکور جادهلرنینگ ترافیک اوچون آچیلیشی ممکن لیگی نی بیلدیرگن.
