مملکت قیشلاقلرنی رواجلنتیریش وزیرلیگی نینگ مسووللری، فقرالیک کیشوو لایحهسی ساغلیق، اورگهتیش و اورگهنیش، تازه ایچیملیک سوو، برق و ایکینچیلیک آستقورمه بولیملریده رواجلنتیریش کیشنگشلر آرقهلی خذمت کورسهتیلهدی دیدیلر. بو لایحه قویاش 1395- ییل دن بوتون مملکت تومنلریده عملی بولهدی.
قیشلاقلرنی رواجلنتیریش وزیری نصیراحمد درانی ملی بیرلیک برنامهسی پایانیگه ییتگن لیگی مناسبتی اوتکزیلگن ییغینده فقرالیک کیلیشوو لایحهسی باشلنهدی دیگن. افغانلر همکارلیگی بیلن باشلنه دیگن بو لایحه دنیا بانکی نینگ تخنیکی یاردمی بیلن تطبیق ایتیلهدی. اونینگ سوزلریگه کوره، اون ییلگه تخمین قیلیگن مذکور لایحه نینگ بیرینچی باسقیچیده بیر ملیارد دالر صرفلهنیشی نظرده توتیلگن.
جناب درانیگه کوره، فقرالیک کیلیشوو لایحهسیده فساد آلدی آلینیشی نیتده پول حیف و میل ایتیلمس لیگی اوچون معین مکانیزیم ایشلب چیقاریلگن.
اون تورت ییل جریاینده افغانستان بوتون قیشلاقلریده عملی بولگن ملی بیرلیک بیرنامهسیگه اشاره قیلگن مملکت قیشلاقلرنی رواجلنتیریش وزیری جناب درانی، اوشبو مدت ایچیده 1.5 میلیارد امریکا دالر بهاسیده ترقیات لایحهلر تطبیق ایتیلگن دیگن. بو مبلغ نینگ 70% کینگشلر آرقهلی صرفلنگنی ایتیلهدی.
عین حالده، جناب درانی، ملی بیردملیک لایحهسیده یول قوریش، کانال قوریش، تازه ایچیملیک سوو، قویاشدن برق ایشلب چیقاریش، مکتب و شفاخانهلر قوریش 86 مینگ پروژه عملی بولگن دیگن.
