ساغلیقنی سقلش وزیرلیگی نینگ مسؤوللری، بالهلر اوچون اینگ ثمرهلی آذیقلنتیریش وقتی جنیندن ایکی یاشرلیکگچه دییدی.
بوگون «یکشنبه» کابلده عامهوی اخبارات واسطهلری، آذیقلنتیریش و آذیق-آوقت ملی آجنداسی» نامیده یولگه قوییلگن قوشمه ییغینده ساغلیقنی سقلش وزیری فیروزالدین فیروزنینگ ایتیشیچه، ایکی یاشرلیکدن سونگ، توییب آوقتلنمسلیک آلدی آلینیشی امکانسیز دیر.
جناب فیروزنینگ ایتیشیچه، بالهلرنینگ توییب آوقتلنمسلیگی آلدی آلینیشی اوچون اینگ یخشی زمان «آنهنینگ قارنیده جنین تشکیلیدن باشلب» ایکی یاشرلیکگچه بولگن و او «بیرینچی بیر مینگ کون» هم دییلهدی.
اوشبو ییغینده مدنیت و معلومات وزیرلیگینینگ مسؤوللری هم اشتراک قیلگن و اولر ایسه، آذیق-آوقت خوفسیزلیگی اوچون اهالینی آگاهلنتیریش خصوصیده میدیالرنینگ رولینی اونملی دییدیلر.
مدنیت و معلومات وزیرلیگی نینگ نشرات اورین باسری سیدآقاحسین فاضل سانچارکی نینگ ایتیشیچه، شو یوزهدن میدیالر آذیق-آوقت خوفسیزلیگی تأمینلنیشی خصوصیده، سوداگرلیک پیاملریده کوپراق دقت قیلیشلری کیرهک.
ساغلیقنی سقلش وزیرلیگی تامانیدن بیریلگن رقم اساسیده، یشاوچیلردن 20% شهرلرده و 70% قیشلاقلرده ییترلیچه ییگولیک آذیق-آوقت گه قول تاپیشدن محروم بولگن و شونینگدیک، مملکت بویلب 18 میلیون کیشی خوفسیز ییگولیک آذیق-آوقت گه قول تاپه آلمهیدی.
