بوگون چهارشنبه ایرتهلب پروان مرکزی چاریکار شهریده کوپ یامغیر یاغگنی باعث سووتاشقینلری حادثهسی یوزبیردی.
حادثهلر بوییچه دولت وزیرلیگی نینگ اعلام قیلیشیچه، پروان مرکزی چاریکار شهریده یوزبیرگن سووتاشقینلری باعث حاضرگچه ۳۰ کیشی هلاک و باشقه ۲۰ کیشی یرهلنگن.
مذکور سووتاشقینلری بوگون (چهارشنبه ۵- سنبله) ایرتهلب ساعت ۲ اطرافیده کوپ یامغیر یاغگنی باعث یوزبیریب و ایکی ساعت گچه دوام تاپگن.
عین حالده، پروان ملکی شفاخانهسی نینگ باش داکتری عبدالخلیل حیدری، ۴۸ جسد و ۸۰ یرهدار کسلخانهده انتقال بیریلگنیدن خبر بیرگن.
بیراق پروان حاکمی سوزلاوچیسی وحیده شهکار نینگ ایتیشیچه، بو حادثه کوپینچه مالی و جانی ضرر ییتیشتیرگن.
خانم شهکار گه کوره، سووتاشقینلری باعث چاریکار شهریده یوزلرچه اوی تخریب بولگن و شونینگدیک قربانیلر آرهسیده عیاللر و بالهلر هم شامل دیر.
عین حالده، حادثهلر بوییچه دولت وزیری غلام بهاوالدین جیلانی چاریکار شهریده بارگن.
او، پروان مسئوللریگه اَختریش و نجات بیریش عملیاتی نی تیزلشتیریشلری توغریسیده بویروغ بیرگن.
جیلانی گه کوره، مذکور حادثهده ۳۰۰ اوی بوزیلگن.
