بوگون «یکشنبه» کابلده خبری ییغین اوتکزگن مملکت ایچکی ایشلر وزیری ویساحمد برمکنینگ ایتیشیچه، مذکور اداره سونگی شادیانه اوقلری توغریسیده 17 کیشینی قولگه آلگن و بولردن 10 تهسی تینچ اهالی و باشقهسی حربی بولگن.
ایچکی ایشلر وزیرینینگ ایتیشیچه، اوشبو اوق آتیشلر اوچینچی، تورتینچی، بیشینچی، اونینچی، اون بیرینچی و اون ییتینچی حوزهلرگه تیگیشلی منطقهلرده بولیب و کوپینچهسی سابق و حاضرگی وزیرلر، نمایندهلر کینگشی اعضالری و دولت بلند مرتبهلی رسمیلرنینگ اویلریدن آتیلگن. بیراق خاص بیر کیشیدن آت توتمهگن.
جناب برمکنینگ کوپهیتیریشیچه، بوندن کیین شوندهی بیر قضیهلرده ایچکی ایشلر وزیرلیگی 48 ساعت آلدین جدی چاره تدبیر کوریب و شهر کوچهلرینی نظارتگه آلهدی.
ایکی کیچه آلدین، عرب بیرلشیک اماراتیده رقیبلری برابریده افغانستان سپورتچیلریدن بازمحمد مبارز و احمدولی هوتک غلبه قازانگنلریدن سونگ، باشکینت یشاوچیلریدن بیرقطاری، اوشبو یوتوقنی اوق آتیشلر بیلن بیرهم توتگن و بو موضوع باشکینت یشاوچیلرینی جدی شکلده خواطرگه سالگن.
