میدیالر تامانیدن ترقهتیلگن گزارشلر اساسیده، اوتگن بیر ییل جریانیده بغلاننینگ بنو تومنیده 10 خوفسیزلیک قومندانی وظیفه بجرگن.
سلاموطندارگه صحبت بیرگن بنو تومنی قوم بویوکلریدن محمدامان امان و ارباب سرورنینگ ایتیشیچه، چیکلنتیریشلر و اوزگرتیریشلرگه بغلان ولایت کینگشی اعضالرینینگ قولی بارلیگی باعث، اوتگن بیر ییلده مذکور تومنده 10 خوفسیزلیک قومندانی وظیفه اجرا قیلگن.
اولرنینگ ایتیشیچه، بو ایش ناقانونی قوراللی کیشیلرنینگ فعالیتی کوپهیشی و یشاوچیلرنینگ حکومتگه بولگن ایشانچلرینینگ اورتهدن کیتیشیگه سبب بولگن.
بیراق بغلان ولایتی کینگش باشلیغی محمدصفدر محسنینینگ ایتیشیچه، ولایتی کینگش اعضالرینینگ یالغیز مصلحت بیریش خصوصیده مسوولیتی بار و اوزگرتیریش بغلان پولیس قومندانلیگیگه تیگیشلی دیر.
عینحالده، ایچکی ایشلر وزیرلیگینی سوزلاوچیسی نجیب دانشنینگ ایتیشیچه، اولر بو موضوعنی تیکشیرهدیلر.
بنو تومنی یشاوچیلرینینگ ایتیشیچه، بو تومن پولیس قومندانلریدن بیرقطاری بیر آی هم وظیفه بجرمهگن و محلی زورهوانلرنینگ ایستهگی اساسیده قیتهدن اوزگرتیریلگن.
