بوگون "دوشنبه" افغانستان ملی ژورنالیست‌لر اویوشمه‌سی مسوول‌لری نینگ کابلده خبری بیر ییغین اوتکزیب ایتیش‌لریچه، میدیالرنینگ تحقیقی گزارش‌لری حکومت تامانیدن تیکشیریلمه‌یدی.
اوشبو اویوشمه مسوول‌لری نینگ ایتیش‌لریچه، تحقیقی گزارش‌لرنینگ حکومت تامانیدن تیکشیریلمه‌گنی ژورنالیست‌لر و میدیالر روحیه‌سینی ضعیف قیله‌دی.
افغانستان ملی ژورنالیست‌لر اویوشمه‌سی نینگ مطبوعاتی مسوولی شعیب فنا نینگ ایتیشیچه، حاضرگی شرایط ده تحقیقی گزارش‌لر کوپینچه قیین‌چیلیک و هزینه آرقه‌لی تیارلنه‌دی، بیراق حکومت و مسوول نهادلر تامانیدن تیکشیریلمه‌یدی.
عین‌حالده، تحقیقی ژورنالیست‌لردن بیرقطاری نینگ ایتیش‌لریچه، حکومتده تحقیقی گزارش‌لرنی تیکشیریش روحیه‌سی یوق دیر.
افغانستان ملی ژورنالیست‌لر اویوشمه‌سی و تحقیقی خبرچی‌لرنینگ خواطرلری خصوصیده حکومت فکرینی آلیش اوچون سعی و حرکت قیلدیک، بیراق موفق بولمه‌دیک.
بوندن آلدین افغانستان تینچلیک جریانی بوییچه آمریکا خاص نماینده‌سی زلمی خلیلزاد، افغانستان حکومتی‌دن میدیالرنینگ تحقیقی گزارش‌لرینی تیکشیریشی‌نی سوره‌گن ایدی.
