بدخشان، بامیان، غور و فراه ولایتیلرینینگ یشاوچیلری و محلی ملازملری کام ایر شرکتینینگ اوچیشلری توختهتیلگنی باعث، خواطر بیلدیریب، کابلگه کیلیب و کیتیشلری توغریسیده قیینچیلیککه روپهره بولگنلرینی بیلدیرگنلر.
سلاموطندارگه صحبت بیرگن بدخشان ولایت کینگشینینگ باشلیغی بشیر صمیم، کام ایر شرکتینینگ اوچیشلری توختهتیلگنی و شونینگدیک، کابل-بدخشان قتناو یولری تینچسیز بولگنی سبب، بدخشانگه رخصت کیلگن دولت ملازملری و حربی کوچلر تیک اوچرلری اوچیشلرینی کوتهدیلر.
بامیاننینگ محلی سوداگرلریدن عبدالستارنینگ ایتیشیچه، کام ایر شرکتی اوچیشلرینی قیته باشلنمهگن صورتده، اوشبو ولایتنینگ یشاوچیلری و محلی ملازملری بامیان-کابل قتناو یولیده بولگن خطر باعث، کابل سفر قیله آلمهیدیلر.
معارف ایشلاوچیسی شیرزی و غورنینگ یشاوچیلریدن محمد نذیرنینگ ایتیشیچه، کام ایر شرکتینینگ اوچیشلری توختهتیلگنیدن بویان کوپ قیینچیلیکلرگه دوچ کیلگنلر.
بیراق کام ایر شرکتینینگ ملازملریدن کپتان صمدی اوشبو شرکتنینگ اوچیشلری یقین پیتده باشلهنیشینی معلوم قیلهدی.
انترکانتیننتالگه بولگن قوراللی هجوم نتیجهسیده مذکور شرکتنینگ ایشلاوچیلریدن11 تهسی هلاک بولگنی سبب، اوشبو شرکت افغانستان بوییچه بولگن اوچیشلرینی توختهتگن.
