ملی مصالحه عالی کینگش باشلیغی عبدالله عبدالله، افغانستان دولتی و طالبان گروهی آرهسیدهگی مذاکره نینگ بیرینچی دوری نی چیککهسیده آمریکا تشقی ایشلر وزیری مایک پمپئو و قطر باش وزیری اورین باسری و تشقی ایشلر وزیری محمد بن عبدالرحمن بن جاسم آل ثانی بیلن اوچرهشگن.
شونینگدیک بو اوچرهشووده ملی مصالحه عالی کینگش باشلیغی، تینچلیک افغانستان اوچون اولویت گه قرار تاپگنی خصوصیده ایشانچ بیرگن.
اعلامیه عبداللهدن نقل قیلیب یازیشیچه: «بیزلر اوروش و جنجل یکونلهنیشی و شونینگدیک افغانستان ده دواملی و عدالتلی تینچلیککه زمینه یرهتیش اوچون تیارمیز.»
مذکور اوچرهشووده آمریکا تشقی ایشلر وزیری نینگ ایتیشیچه، مملکتی افغانستان اهالیسی نینگ یانیده تورگن و اوروش و زوروانلیک یکونلهنیشی و شونینگدیک تینچلیک که ایریشیش اوچون بولگن سعی و حرکتلردن حمایت قیلهدی.
عبدالله مذکور ییغین نینگ چیککهسیده قطر باش وزیری نینگ اورینباسری و تشقی ایشلر وزیری، محمد بن عبدالرحمن بن جاسم آل ثانی بیلن هم اوچرهشگن.
او مذکور اوچرهشووده افغانستان تینچلیک که ایریشیش اوچون قطر دولتی نینگ سعی و حرکتی و افغانستانلیکلرارا سوزلشوولرنینگ باشلهنیش ییغینیدن مذکور مملکت نینگ میزبانلیک قیلگنیدن قدردانلیک قیلگن.
شونینگدیک قطر باش وزیری نینگ ایتیشیچه، مملکتی افغانستان ده تینچلیک برقرار ایتیلیشی اوچون بولگن سعی و حرکتلردن حمایت قیلهدی.
