.jpg)
«اون بیش یاشده ایدیم، زوروانلر و قیشلاق قوماندانلری زوردن خوشلیک بیرهملرگه آلیب کیتردیلر، ایاغ قولیمگه زنگ تاقیب و عیال کیمینی کیدیریب تانگ آتگونچه اوینهتردیلر. اویین جریانیده بدنیمی قیمیرلهتیب اوینهشنی جوده یاقتیردی بو قوماندانلر»
فرید بو حالتدن قاچیب نهایت ایران بارگن. اما، او ایکّی ییل ایرانده قالیب وطنگه قیتگندن سونگ قوراللی شخصلر فریدنینگ یشش اوینی قورشاوگه آلیب اونی اوییدن چیقاریب ینه کیچه تاماندن رقصگه تویشیشگه مجور قیله باشلهگنلر.
فرید، جنسی زورلهنیب و کیچهلر تانگ آتگونچه مهمانخانهلرده اوینب زوروانلر قربانی بولگن لیگینی اعتراف ایتگن.
فریدنی سوءاستعمال قیلیب کیلگن شخص نینگ نامی امانالله. او تخار ولایتی بهار تومنی نینگ سابق قوماندانلریدن بیری. فریدنینگ حکایهسیگه کوره: « امان الله قوراللی و امنیتی خذمتلردن بهرمند شخص» جنسی زورلهنیش نینگ قربانی بولگن فرید، قوماندان نینگ آلدیدهگی اوچته بچهبیریشدن بیری ایکن لیگینی تیلگه آلهدی.
بو توغریده امانلله قوماندان فکرینی اورگهنیش اوچون آلیب بارگن سعی و حرکتیمیز نتیجه بیرمدی.
محمدرضا بلاغتگه ییتمهگن 16 یاشر باله. او هم بچه بازلیک قربانی بولگن. فاریابدن کابل کابلدن تخار آلیب باریلیب جنسی تجاوز قربانی بولگن بو باله هم. مینگ بیر بهانه بیلن بو باله تخار آلیب باریلهدی. اما، بو ییرگه آلیب باریلیشی بیلن رقصگه توشیب جنسی تجاوز (قوراللی شخصلر) ایتیله باشلهیدی.
داستان نینگ پایانی هلی بیتمهگن. بهرام اسملی شخص ایسه محمد رضانی خوشلیک محفللر قیزیق بولیشی اوچون تخار ولایتی نینگ او تومنیدن بو تومنیگه آلیب باریش وظیفهسی ذمهسیگه آلگن.
.jpg)
رضا، بهرام آرقهلی هم نیچه مرته جنسی تجاوز بولگن لیگنی اعتراف قیلگن. رضا ایکّی مرته پولیس تامانیدن قولگه آلینهدی. بیراق، بو هر مرته بشیر ناملی قوماندان واسطهسی بیلن محبسدن چیقاریلهدی.
تخار ولایتی والیسی نینگ سوزلاووچی سنتالله تیمورنینگ ایتیشیچه، بچه بازلیک کوپراق ولایت نینگ رستاق و ینگی قلعه تومنلریده رواج. حتی محل پولیس نینگ منصبدارلری هم بچهنی رقصگه توشریشگه قیزیقهدی.
بو خصوصیده افغانستان ایش و اجتماعی مسالهلر وزیرلیگی نینگ مسووللری بیلن علاقه قوریب فکرینی اورگهنیشگه حرکت قیلدیک، لیکن بو وزیرلیک نینگ ملازملری صحبت بیریشدن باش تارتدی.
انسان حق حقوقلری بوییچه مستقل کمیسیون 1393- ییلده نشر قیلگن بیر گزارشده « افغانستان نینگ ایریم منطقهلریده بعضی شخصلر بیر یا – ده نیچه کیشی بلاغتگه ییتمهگن گودکنی یانیگه آلیب جنسی سوء استعمال قیلهدیلر دیگن ایدی.
گزارشلرده بوندهی گودکلرنینگ یاشی 10 دن 18 گچه بولگنی قید ایتیلگن. بولرنینگ اکثریتی جنسی تجاوز قربانی بولهدیلر دییلگن ایدی گزارشده» اما، بعضی بیر ویدیو لوحهلرده 10 یاشدن 25 یاشگچه هم یاشلر جنسی تجاوز و بچه بازلیک قربانی بولیب کیله یاتگنی کوزه تیلهدی.
سلاموطندار ترماغیگه صحبت بیرگن تخار امنیه قوماندانی جنرال فقیرمحمد جوزجانی، پولیس نینگ هم ایریم منصبدارلری یاش بچهلرنی سوءاستعمال قیلهدیلر دیگن. اما، بو عمل ایسه کوپراق ناقانونی قوراللی شخصلر آرقه بجریلهدی دیگن او.
ولایت مدنی جماعه چیلیک ادارهسی نینگ فعاللریدن بیری کریم دانش، بو توغریده نشر بولگن گزارشلر همده تیگیشلی ادارهلرنینگ آلیب بارگن سعی وحرکتیگه قرهمهی، افغانستاندن بچه بازلیک مدنیتی یوق ایتیلیشی اوچون حکومت موفق بولمهگن لیگینی تنقید ایتیگن.
