بغلان ولایتینینگ دهنه غوری تومنی و دندغوری منطقه سیدهگی طالبلر اوقیتوچیلردن پول آلهدیلر.
اسمی فاش ایتیلمسلیک شرطی بیلن سلاموطندارگه بغلان ولایتی دهنهٔ غوری تومنی و دندغوری منطقهسیدهگی اوقووچیلر، طالبان مذکور منطقه اوقیتوچیلریدن ایریم بهانهلر بیلن پول آلهدی دیگن.
اوروشلر سبب، دهنه غوری تومنینینگ دندغوری منطقهسیدن درسلریگه دوام بیرالمهی پلخمری شهریده سهپارچه قیلیب کیلگن قطار اوقووچیلر، مذکور مکتبلرده اوقیتوچیلر اوچون معارف حاضریسی یانیده طالبلرنینگ مخصوص حاضریسی بارلیگینی بیلدیرگنلر.
اولرگه کوره، طالبلرنینگ حاضریسی اساسیده، مکتبلرده کیج کیلگن اوقیتوچی کونلیک 200 افغانی و یوق بولگن اوقیتووچی کونلیک 500 افغانی جریمه بولهدی.
اوقووچیلرنینگ بیلدیریشلریچه، طالبلر اینگلیسی و سپورت کتابینی مکتبلر درسلیک نصابیدن چیقاریب، اولرنینگ اورنیده اوزلرینی درسلیک کتابلرینی جایلشتیرگن.
اوقووچیلر، طالبلر مذکور منطقهنینگ مکتبلریده اوزلریدن تعلیم درجهسی توزهتگن، اونی کونلیک و هفتهلیک تیکشیریب، امضا قیلهدیلر دیگنلر.
بغلان ولایتی نینگ ولایت کنیگش اعضاسی فیروز الدین ایماقنینگ ایتیشیچه، دهنه غورینینگ مکتبلری خرجتی و اوقیتوچیلر آیلیگی دولت تامانیدن تولهنیلهدی، اوشوندهی بولسه هم اوشبو مکتبلر طالبلر آرقهلی باشقریلهدی.
جناب ایماق، طالبلر نظارتیده بولگن معارف، قضا و سیاست بولیملریده برنامهلرینی عملگه آشیریب و مکتبلرده مخصوص مدیر تعیین ایتگنلر دیدی.
بغلان ولایتی نینگ ولایت کینگش اعضاسی، حکومت دهنه غوری تومنینی قیته آلیش اوچون جدی آدیم کوتارمه گن تقدیرده، طالبلرنینگ مذکور تومنده بارلیگی و فعالیتلری قیینچیلیکلر بیلن روپهره قیلیشی ممکن دیگن.
باشقه تاماندن دهنه غوری تومنیده اسمی سیر سقلهنیش شرطی بیلن سلاموطندارگه منبعنینگ ایتیشیچه، ایکینچیلیک مکتبلرینینگ بیر قطار اوقیتوچیلری، شاهین 209- قول اردوسیده جان بیرگن عسکرلر قانیگه حرمت قیلیب کیلمه گن اوقیتوچیلر طالبلر تامانیدن جزالنگن.
بیراق، بغلان معارف ریاستینینگ باشلیغی غلام محیالدین پیکان بو سوزلرنی رد قیلیب ایتیشیچه، حاضرگه قدر دهنه غوری تومنیدن هیچ بیر اوقیتوچیگه کیشی بیرنرسه دیمهگن.
حاضرگه قدر طالبلر بوخصوصده بیرار نرسه دیمهگن.
شونینگدیگ، بغلان ولایتینینگ دهنه غوری تومنی بیر ییل آلدین طالبلر قولیگه سقوط قیلگن ایدی، لیکن هلیگچه حکومت مذکور تومننی قیته آلیشگه کوچی ییتمهگن.
