بیرکیشی بلخده عیالینی کلتکله گندن سونگ ایکی قولاغینی کیسگن. حادثه ولایت کشندی تومنی نینگ کتهگردن قیشلاغیده روی بیرگن.
شوحاضر23 یاشر زرینه بلخ ابن سینا تیز یاردم بولیمیده دوالنماقده. اونینگ ایتیشیچه، ایری مخدرمادهگه بیریلگن، 3 ییلدن بیری اوبیلن یششنی ناچار چیدهب کیلهدی.
ضرر کورگن عیال حکومت و عدلی نهادلردن ایریدن اجرهلیش بارهسیده اونگه یاردم قیلیب قضیه عاملیگه جزا بیریلیشینی سورهگن.
بلخ پولیسی نینگ سوزلاوچیسی شیرجان درانی حادثه عایلهوی خشونتلردن کیلیب چیقیشیگه تأکیدلب ایتیشیچه، حادثهگه عیبلنگن شخصنی پولیس کوچلری توتیش ایشلرینی باشلهگن.
بلخ ابن سینا ساغلیقنی سقلش مرکزی باش طبیبی داکتر شفیق، زرینه نینگ ساغلیق وضعیتی یخشی ایمس ایدی و حاضر ساغلیق وضعیتی یخشی، بیراق حاضرهم روحی وضعیتی تشویشلی دیگن.
