غزنی ولایتی نینگ عیاللر حقوقی بوییچه فعاللر ولایتنی عیاللر «جهنمی» دیب اتهگنلر؛ نیگه دیگنده بو ولایتده عیاللرگه قرشی عایلهوی خشونتلر کوزگه کورنرلی درجهده کوتریلگن و هر کون عایلهوی خشونتلرسبب عیاللر اویلرینی ترک قیلهدیلرو کوچهلرده حیات کیچیرهدیلر.
عایلهوی خشونتلر سبب عایلهلرنی ترک قیلهدیگن عیاللر و قیزلر سانی سناقدن آشگنلیگی ایتیلماقده، اما عمومن غزنی ولایتیده ضرر کورگن عیاللر اوچون بیر باش پناه ییری هم موجود ایمس.
غزنی ولایتی کینگش اعضالریدن فاطمه رحیمی نینگ سلاموطندار بیلن قیلگن صحبتده ایتیشیچه، دولت، بشر حق حقوقی بوییچه فعالیت قیلهدیگن نهادلر و عیاللر حقوقیدن دفاع قیلهدیگن تشکیلاتلر غزنی عیاللرینینگ حیاتی یمان کیچیب کیلیشینی کورمسدن اوتهدیلر. خانم رحیمیگه کوره، سنتی ارزشلرگه یاپیشیب قالگن ولایتده عیاللر اوچون بیر باش پناه اوی بولیشی حیاتی مسالهلر نیاز دیر.
خانم رحیمی نینگ ایتیشیچه، اویلریدن ضرر کوریب قاچگن عیاللردن کوپیسی دولتگه باش پناه سورهب کیلهدیلر، لیکن دولت ایسه لازم باش پناه بولمهگنلیگی اوچون بولرنی قبول قیلمیدی و عیاللر ایسه جانینی آلیب قاچگن ییرده قیتیب باریشگه مجبور بولهدیلر.
عیاللر بوییچه ولایت ریاستی هم غزنی ولایتیده اویدن قاچگن عیاللر اوچون باش پناه ییری بولمهگنلیگینی عیاللرنینگ ییریک معمالریدن بولگن دیب معلوم قیشیچه، خوشبخت بولگن عیاللر فرصت طلب شخصلر قولیده توشمهگن حالده، عیاللر تورمهلرده سقلنیب حیات کیچیرهدیلر.
غزنی عیاللرنینگ حقوقی ریاستی مدیری فوزیکه کاکرنینگ ایتیشیچه، ولایت تومنلریدن عایلهوی قیینچیلیکلرنی حل ایتهدیگن عیاللر و شونینگدیک تورمهدن آزاد بولگن عیاللر کیچهلرینی مسافرخانهلرده اوتکزیشگه مجبور بولهدیلر.
خانم کاکرنینگ ایتیشیچه، شو حاضر غزنی عیاللر ریاستی، عایلهوی قیینچیلیکلردن ضرر کورگن عیاللرنی کابل کیلتیرگونگه قدر پولیس نظارت خانهلری و تورمه خانهلرده سقلیدیلر.
باشقه بیر تاماندن غزنی پولیس باشلیغی جنرال امینالله امرخیل نینگ ایتیشیچه، باش پناهسیز عیاللر پولیس کوچلریگه بیر باش آغریق بولگن؛ نیگه دیگنده اولر اوچون باش پناه ییرلر بولمهگنلیگی سبب پولیس کوچلری بولرنی نظارت خانهلرده سقلشگه مجبور بولهدیلر.
عایلهوی خشونتلر جملهدن کلتکلش، زوردن اویلنتیریشگه چیقاریش، الیشگه بیریش و اوروش و ناتینچلیکلرگه اوخشهگن باشقه معمالرسبب بولگن تا کوپلب عیاللر و قیزلر اویلریدن قاچیب چیقیشنی افضل بیلهدیلر و دولتدن باش پناه تیلهیدیلر.
