پلخمری نساجی شرکتی نینگ مسووللری، بغلان بند برقی نینگ ایکّینچی ایشگی ایشلاووچیلر آیلیگی همده بو شرکت درآمدی حسابی بیلن قیته قوریلهدی دیگنلر.
اولر، اوشبو برق بندی نینگ مذکور ایکّی ایشیگی قیته قوریلمه‌گن حالده، بو توغان جاری ییل یاغینگرچیلیکلری نتیجه‌سیده بوتونلی اورته‌دن کیته‌دی دیدیلر.
اوشبو برق بندی بوزیلگن تقدیرده 7مینگ جریب ییر سوولنتیریشدن ینه 50مینگ اوی برق نعمتیدن محروم قالیشی ایتیله‌دی.
بغلان برق بندی مسوولی و نساجی شرکتی نینگ باشلیغی غلام‌قادری رسولی بو بند قیته قوریلیشی اوچون مرکزی حکومت اعتبار قرتمه‌گندن سونگ بولر اوشبو شرکت نینگ درآمدی همده ایشلاووچیلرنینگ آیلیگی حسابده بندنی قوریشگه تدبیر آلگنلر دیگن.
سوو برق وزیرلیگی نینگ اورین باسری عبدالبصیرنینگ سلام‌وطندارگه ایتیشیچه، بغلان برق بندی قوریلیش ایشی‌نینگ تدارکات ایشی تکمیل ایتیلمه‌گن، دستلبکی ایشلری تکمیل بولیشی بیلن برق بندی نینگ قوریلیشی ایشی باشلنه‌دی.
تورت ایشیکلیک پلخمر بیرینچی برق بندی ایکّی ایشیگی اوتگن ییللر جریانیده حکومت نینگ اعتباریدن چیتده قالگنی سبب فعالیتدن قالگن و قالگن ایکّی ایشیگی هم ایسکرگنی باعث قولب توشیش عرفه‌سیده تورگن.
مذکور بند بوندن 70 ییل آلدین آلمانلیک متخصصلر تامانیدن قوریلگن.
