.JPG)
بادغیس ولایتیده پسته اورمانلریدن کیین ارچه اورمانلری ملی سرمایهلردن سنلهدی، بیراق بو اورمانلرنینگ کته قسمی نابود ایتیلگن.
بادغیس ولایتی بوییچه ایکینچیلیک ریاست باشلیغی عبدالتواب تائب نینگ ایتیشیچه، اوتمیشلرده مذکور ولایت نینگ قلعۀنو شهری، قادس و آبکمری تومنلری نینگ ایریم قسمتلریده 8 دن باشلب 10 مینگ هکتار ارچه اورمانی بار ایدی، بیراق حاضر بو اورمانلردن 80% نابود ایتیلگن.
اونگه کوره، حاضر یوقاریده ایسلنگن بولیملرده بو اورمانلردن کمیده 2 مینگ هکتاری قالگن.
جناب تائب گه کوره، مذکور ولایتده بولگن ارچه اورمانلری ناتینچلیکلر و اورمانلرنینگ اهمیتیدن یشاوچیلرنینگ خبرسیزلیگی باعث، نابود ایتیلگن. اونینگ ایتیشیچه، بو اورمانلردن کوپینچهسی محل یشاوچیلری تامانیدن کیسیلیب و اولردن یاقیلغی یاغاچ صفتیده فایدهلنهدیلر.
بادغیس ولایتی بوییچه ایکینچیلیک ریاست باشلیغی، بو ولایتده اورمانلرنینگ اهمیتی توغریسیده یشاوچیلرنی آگاهلنتیریش برنامهلر یولگه قوییلیشیدن خبر بیرهدی و یاردم بیرووچی ادارهلردن یاقیلغی ماده خصوصیده، مذکور ولایت نینگ نیازمند یشاوچیلریگه یاردم بیریشلرینی سورهیدی.
.JPG)
بادغیس یشاوچیلریدن بیرقطاری نینگ ایتیشیچه، عایلهلردن بیرقطاری یاقیلغی مادهلری یوقلیگی باعث، بو اورمانلرنی کیسیشهدی.
بادغیس ولایتی بوییچه یشش محیط ادارهسینی باشلیغی میرویس مشکوانی، بو ولایتده اورمانلر نابود ایتیلیشی دوامیدن آگاهلنتیریب ایتیشیچه، بو اورمانلر قیته اوسدیریلیشی و اوشبو ملی سرمایه نینگ اهمیتی توغریسیده یشاوچیلرنی آگاهلنتیریش اوچون هیچ قندهی بودجه یوق دیر.
یشش محیط ایش بیلرمانلری نینگ ایتیشیچه، اورمانلر، درختلر و اوزی اوسهدیگن بوتهلر کیسیلیشی سوو کمهییشی، توپراق بوزیلیشی، سوو تاشقینلری و یشش محیط دغللیگی گه سبب بولهدی و شو یوزهدن یشاوچیلر اورمانلر و درختلرنی سقلش خصوصیده، سعی و حرکت قیلیشلری کیرهک.
شو توغریده…
کنر؛ اورمانلرنینگ کیسیلیشیگه محلی رسمیلرنینگ قولی بار
