غور ولایتیده بیر عیال برچه عایله اعضاسینی زهرلنتیریب اوییدن قاچیب کیتگن. مذکور عیالنینگ قیین آنهسی بیبی گلنینگ سلاموطندارگه ایتیشیچه، کیلینی توش آوقتینی تیارلَب اوزی ییمهگن و برچه عایله اعضاسی هوشدن کیتگنیدن کیین، برچه کیرهکلی نرسهلرنی آلیب اویدن قاچیب کیتگن.
بو قضیه غور ولایتی فیروزکوه شهرینینگ غربیده یوز بیرگن.
قاچگن عیالنینگ قیین آنهسیگه کوره، او، بیرینچیدن ایرینینگ عایله اعضاسی بیلن یخشی علاقهده ایمس ایکن.
غور حوزهیی کسلخانهسینینگ داکترلریدن بیری عبدالقادر عزیزینینگ ایتیشیچه، بوگون توش اطرافیده، بیر عایلهنینگ 10 اعضاسی زهرلنگن شکلده کسلخانهگه آلیب کیلینگن؛ زهرلنگنلر 4 باله، 5 عیال و 1 ایرکک بولگن.
جناب عزیزیگه کوره، مذکور کیشیلرنینگ ساغلیک وضعیتی حاضر یخشی دیر.
اوشبو قضیهنی تصدیقلگن ولایت امنیه قومندانی غلام مصطفی محسنینینگ ایتیشیچه، مذکور عیال برچه عایله اعضاسینی زهرلنتیرگنیدن کیین، بیر عسکر بیلن قاچیب کیتگن. جناب محسنی، عسکرنینگ کیملیگی توغریسیده هیچ نرسه دیمهیدی. بیراق، اولرنی قولگه آلیش اوچون هیچ قندهی سعی و حرکتدن وازکیچمهسینی بیلدیرگن.
