بغلان ولایتی دوشی ولسواللیگینینگ ولسوالی شمسالدین سرحدی کابل بغلان عمومی یولی باغلنگنلیگی بارهسیده خبر بیرگن. جناب سرحدیگه کوره، بغلان ولایتینینگ یوزلب یشاووچیسی بوگون ایرتلب (جمعه) اعتراض بیلدیریب مذکور یولنی ترافیک یوزیگه یاپگنلر.
دوشی ولسوالیگه کوره، اعتراضیچیلر اوتگن کون (پنجشنبه) ملی کوچلر و طالبلر اورتهسیده یوز بیرگن قوراللی اوروشده تینچ اهالیگه تلفات ییتگنی اوچون نمایش اوتکزیب مذکور عمومی یولنی باغلهگنلر. سرحدی، حادثه عامللری محاکمه ایتیلیشینی ایستهگنلر.
اوتگن کون ملی کوچلری بیلن جنگریلر اورتهسیده یوز بیرگن اوروشده بیر تینچ اهالی هلاک بولیب بیش نفر یرهلنگن ایدی.
ایتیلیشیچه، یوزلب کته و کیچیک موتر کابل – بغلان عمومی یولیده، یول ترافیک یوزیگه آچیلیشینی کوته دی. اوشبو عمومی ترانسپورت یول کابل نی شمالی 9 ولایت بیلن باغلیدی.
