15 یاشر نقیبالله آتلی باله بیر ییل آلدین هلمند ولایتینینگ نادعلی تومنیده نفوذی کیشی صفتیده بیر پوسته گه کیرگن. او بیلن بالهلرنی تربیهلش و اصلاحات مرکزیده اوچرهشدیم. نقیبالله نینگ ایتیشیچه، حربی کوچلرنینگ ایچیگه کیریب و مخبرلیک قیلیش اوچون طالبلر تامانیدن زورلنگن.
بیراق، نتیجهده بیر مخبرلیکده عیبلنیب امنیتی کوچلر تامانیدن قولگه آلینگن. حاضر تکرار ایتیشیچه، قیلگن ایشیدن پشیمان دیر، لیکن طالبلرنینگ بویروغینی قبول قیلیشگه مجبور بولگن.
انسان قاچاقی و مهاجرلر قاچاقیگه قرشی کورهش قانوننینگ 25- مادهسی بیرینچی فقرهسیده کیلیشیچه، قربان بولگن باله، اونینگ رضایتی بیلن عایلهسی و قانونی سرپرستیگه تاپشیریلهدی و عایلهسی و قانونی سرپرستی بولمهگن صورتده، اجتماعی خذمتلر خاص مؤسسهسیده سقلنهدی. شو یوزهدن الدهنگن و قربان بولگن بالهلردن کوپینچهسی بالهلرنی تربیهلش و اصلاحات مرکزیدن باش چیقارهدیلر.
نقیبالله بیلن صحبت قیلهیاتگن چاغده کوزیم خانآغا ناملی 14 یاشر باشقه بیر بالهگه توشدی. اونینگ ایتیشیچه، کوپینچه بالهلر طالبلر اوچون ایش قیلیشگه زورلنگن. خانآغانینگ ایشانچی گه کوره، مخبرلیک و ماین ییرلشتیریش بالهلر بیلن طالبلر آرهسیدهگی همکارلیک نی یالغیز بیر بولیمی دیر. اونینگ اوزی هم ماین ییرلشتیریشنی یخشی اورگهنیش اوچون بیر ییل تعلیم کورگن.
سنگین تومنیدن بولگن گلخاننینگ یاشی نقیبالله و خانآغا دن یوقاری دیر. او، اوچ ییلدن بیری اصلاحات مرکزیده حیات کیچیرهدی. گلخان دن قوییب یوباریلگنیدن سونگ، نیمه ایش قیلیشینی سورهدیم. جوابیم گه ایتیشیچه، حاضرگهقدر، طالبلر یا-ده دولت گه همکارلیک قیلیش خصوصیده قرار قیلمهگن.
گلخاننینگ ایشانچی گه کوره، سنگین تومنینینگ یشاوچیلریدن کوپینچهسی طالبلرگه همکارلیک قیلهدیلر و شونینگدیک، او امریکاگه قرشی جهاد قیلیش اوچون بو گروه گه قوشیلگن.
گلخاننینگ ایتیشیچه: «کیمسه 5 مینگ یا-ده 10 مینگ پاکستانلیک کلدار اوچون اوزینی اولیمگه روپهره قیلمهیدی، بیراق اونملی بولگن نرسه شو دیر کیم، امریکا کیلگن و جهاد قیلیش لازم دیر.»
اوشبو بالهلرنینگ سوزلری فکرم ده سوال توغدیردی، دولتگه قرشی قوراللی عصیانچیلر قندهی قیلیب قولَی بیر شکلده گناهسیز بالهلرنینگ فکرینی چلغیتیب فایدهلنهدی.
بو سوراقلرگه جواب تاپیش اوچون دستلب هلمند ولایتینینگ اجتماعی ایشلر ریاستی گه باردیم و مذکور ولایتنینگ اجتماعی ایشلر ریاستی باشلیغی محمدامان نیکمل بیلن اوچرهشدیم. جناب مکملنینگ ایتیشیچه، هر آی دولتگه قرشی قوراللی عصیانچیلر بالهلردن فایدهلنیشی توغریسیده اولرگه گزارش کیلهدی. اونگه کوره، اولر بو دوسیهلردن کوپینچهسی باش قارهلاوچیلیک ریاستی گه یوبارهدی.
جناب نیکملنینگ ایشانچی گه کوره، هیچ بیر تامان اوروشده بالهلردن فایدهلنمهسی کیرهک و شونینگدیک، عصیانچیلر اوروشلرده بالهلردن فایدهلنیب اوروش جنایتیگه سبب بولهدی.
انسان قاچاقی گه قرشی کورهش قانوننینگ اوچینچی مادهسی ایکینچی فقرهسیده کیلیشیچه، قوراللی اوروشلرده بالهلردن فایدهلنیش انسان قاچاقی سنلهدی.
اوشبو مسئله توغریسیده، هلمند مدنی فعاللریدن بیری حافظ احمد نصرت بیلن سوزلشدیم. اونینگ ایتیشیچه، هلمند اوروشیده دولت و طالبلر بالهلردن فایدهلنهدی. بالهلردن عسکر آلیش و قوراللی آتیشمهلرده اولردن فایدهلنیش انسان قاچاقی حسابلنهدی.
طالبلرگه همکارلیک قیلیش، ماین ییرلشتیریش و مذکور گروه اوچون مخبرلیک قیلیش بالهلرنینگ حکایهسی بولیب هلمند اوروشینینگ قارانغو سیماسیدن کیچیک بولیمینی کورستهدی. عسکر بالهلرنینگ هر بیرینی فکریده توغیلگن سوراق اصلاحات مرکزیدن قوییب یوباریلگنیدن سونگ، قندهی بیر شکلده اجتماع ده قوشیلیش دیر.
